Pieršaje vydańnie «Hary Potera» pradali za rekordnuju sumu — 470 tysiač dalaraŭ
Pieršaje vydańnie ramana brytanskaj piśmieńnicy Džoan Roŭlinh «Hary Poter i fiłasofski kamień» syšło z małatka na aŭkcyjonie za rekordnuju 471 tysiaču dalaraŭ.
Pra heta paviedamlaje Reuters sa spasyłkaj na techaski aŭkcyjonny dom Heritage auctions.
Adznačajecca, što heta nie tolki samaja vialikaja suma, jakaja była kali-niebudź zapłačanaja za pieršuju častku sahi pra Hary Potera, ale i samaja darahaja kali-niebudź pradadzienaja mastackaja kniha, vydadzienaja ŭ XX stahodździ. Startavaja cana łota składała 75 tysiač dalaraŭ.
Viadoma, što pradadzieny tvor byŭ pieršym vydańniem «Hary Potera i fiłasofskaha kamienia» ŭ ćviordym pieraplocie. Jaho ŭpieršyniu apublikavali ŭ 1997 hodzie nakładam u 500 asobnikaŭ.
Paśla ŭsie siem knih pra Hary Potera pradalisia nakładam 500 miljonaŭ kopij na 80 movach śvietu.
Kamientary