Kali daŭno chacieli pakaštavać zapiečanuju indyčku pad chrustkaj skuračkaj, to pasprabujcie hety recept. Idealny na Kalady. Bolšaść inhredyjentaŭ dla hetaj stravy znojdziecca ŭ vašaj kuchonnaj šafie.
Inhredyjenty:
- 5-6 kh hatovaj da zapiakańnia indyčki (šyjka i vantroby vydaleny)
- 1 cybulina, razrezanaja napałam
- 1 limon, razrezany napałam (cedru pakińcie dla masła)
- cełaja hałoŭka časnyku, razrezanaja napałam
Dla solevaj sumiesi:
- 2 st. ł. marskoj soli
- 1 st. ł. liścia čaboru
- 1 č. ł. piercu
Dla masła:
- 100 h. śmietankovaha masła
- 4 st. ł. bulonnaha parašku z harodniny
- cedra 1 limona
Pieršy krok
Za dva dni da pačatku pryhatujcie solevuju sumieś: zdrabnicie sol ź liściem čaboru i piercam u młynie dla śpiecyj abo z dapamohaj taŭkača i stupki. Pakładzicie indyčku ŭ formu dla zapiakańnia i aściarožna prasuńcie palcy pad skuraj, pačynajučy z šyi, pakul nie zmožacie prasunuć usiu ruku pa daŭžyni hrudki. Sačycie za tym, kab skurka nie parvałasia.
Druhi krok
Zapraŭcie ptušku solevaj sumieśsiu znutry, zvonku i pad skuraj. Pakińcie indyčku ŭ formie dla vypiakańnia hrudkaj uvierch i pastaŭcie ŭ chaładzilnik na termin da dvuch dzion — čym daŭžej vy jaje solicie, tym sakaviciej budzie indyčka. Kab skurka atrymałasia maksimalna chrustkaj, nie nakryvajcie indyčku, kab jana vysachła.
Treci krok
Dastańcie indyčku z chaładzilnika prykładna za hadzinu da jaje hatavańnia. Nahrejcie duchoŭku da 160-180 C. Vyznačcie čas vypiakańnia z raźliku 40 chvilin na kiłahram dla pieršych 4 kh, plus 45 chvilin na kožny kiłahram źvierchu.
Čaćviorty krok
Vykładzicie masła, bulonny parašok z harodniny i cedru limona ŭ nievialikuju misku i dobra źmiašajcie.
Piaty krok
Rukami raźmiarkujecie masła pad skuraj tak, kab jano pakryła ŭsiu vobłaść hrudki, utrycie jaho ŭ ščylinu pamiž ściahnom i asnoŭnaj častkaj tuški, zatym razhładźcie skuru rukami. Vykładzicie ŭ połaść cybulu, pałavinki limona i časnyk.
Šosty krok
Źlohku nakryjcie formu folhaj i zapiakajcie indyčku. Prykładna za 30 chvilin da zakančeńnia pavialičcie tempieraturu duchoŭki da 180-200 C, zdymicie folhu, natrycie indyčku i viarnicie ŭ duchoŭku. Kali indyčka pryhoža padrumianicca i prasmažycca, vymicie jaje z duchoŭki i pakińcie ŭ formie, nakrytuju falhoj na 1 hadzinu.
Łukašenka choča, kab kiraŭniki rajvykankamaŭ pryznačali i kiraŭnikoŭ pryvatnych struktur13
Kamientary