«Dumaŭ, što pakarańnie budzie razoŭ u šeść mienš surovym». Što Cichanoŭski piša paśla prysudu
14 śniežnia Siarhiej Cichanoŭski byŭ pakarany pazbaŭleńniem voli na termin 18 hadoŭ. U liście z homielskaj turmy palitźniavoleny napisaŭ, što nie čakaŭ nastolki surovaha prysudu, piša «Radyjo Svaboda».
«Voś i nadyšło łahičnaje zaviaršeńnie majho vłohu. Kali ja pačynaŭ jaho, to razumieŭ, što, chutčej za ŭsio, tak i skončycca. Viadoma, ja dumaŭ, što pakarańnie budzie razoŭ u šeść mienš surovym. Ale heta takaja acenka majoj dziejnaści. Akazvajecca, vykryvać biezzakońnie — heta asabliva niebiaśpiečnaje złačynstva», — napisaŭ Siarhiej Cichanoŭski.
Jon zaznačaje, što nie dumaŭ, što zatrymańnie adbudziecca ŭ mai 2020-ha.
«Ci źmianiŭ by ja niešta? Nie. A što možna było b źmianić? Navat kali b ja zapisaŭ niejki videazvarot, nie fakt, što heta b niešta źmianiła. Jak hramadzianin, ja vykanaŭ svoj hramadzianski abaviazak. Maim dzieciam nie budzie soramna za mianie. I ciapier miač nie na maim baku», — vykazaŭsia palitźniavoleny.
«Vieru ŭ pieramieny da lepšaha ŭ Biełarusi», — takimi radkami skončyŭ list Cichanoŭski.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli65
Alaksandr Łukašenka tak lasnuŭsia na lod na chakiei, što trybuny zamierli
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary