«Ad 60 da 65 hadoŭ». U jakim uzroście sychodziać na piensiju ŭ susiednich krainach
U Biełarusi z 1 studzienia pavyšajuć piensijny ŭzrost: dla žančyn da 58 hadoŭ, a dla mužčyn — da 63. Pavyšać viek vychadu na piensiju pačali ŭ 2017-m, da hetaha času mužčyny sychodzili na piensiju ŭ 60 hadoŭ, žančyny ŭ 55 hadoŭ. Zatym kožnyja paŭhoda ŭzrost vychadu taksama ros na šeść miesiacaŭ.

A voś u susiedziaŭ zbolšaha płanujecca pavysić čas vychadu na piensiju da 65 hadoŭ. Ale jość kraina, dzie ŭzrost składaŭ 67 hadoŭ i byŭ źnižany. Heta Polšča, u 2017-m tam mužčyny i žančyny sychodzili na piensiju ŭ 67, ale kiroŭnaja partyja ŭzrost źniziła, i ciapier mužčyny sychodziać u 65, a žančyny ŭ 60. Ekanomika dazvalaje.
U Rasii ŭ 2022 hodzie mužčyny buduć vychodzić na piensiju ŭ 61,5 hoda, žančyny — u 56,5 hoda (ciapier 61 i 56). Miarkujecca, što da 2028 hoda hety ŭzrost składzie 65 i 60 hadoŭ adpaviedna.
Ukrainskija mužčyny i žančyny sychodziać na piensiju sinchronna — u 60 hadoŭ. Ale tam krychu inšaja sistema. Taksama treba mieć pracoŭny staž: kab syści ŭ 60 hadoŭ, treba mieć 29 hadoŭ stažu, a kali ŭ 65 hadoŭ — minimum 19 hadoŭ.
U Litvie naadvarot piensijny uzrost pavialičvajecca. Ciapier jon składaje 64 hady i dva miesiacy dla mužčyn, i 63 hady i 4 miesiay dla žančyn. U nastupnym hodzie jaho pavialičać na dva miesiacy, i ŭ 2025-m zraŭniajuć dla abodvuch pałoŭ da 65 hadoŭ.
U Łatvii dla mužčyn i žančyn adnolkavy piensijny ŭzrost — 64 hady. Z 1 studzienia 2022 hoda jon vyraście na try miesiacy. Kožny nastupny hod taksama budzie raści na try miesiacy, pakul nie dasiahnie ŭ 2025-m 65 hadoŭ.
Kamientary