Ruch transpartu ŭ rajonie mosta na Niamizie zakryli da 10 lutaha
Staličnyja ŭłady pryniali rašeńnie zakryć ruch u rajonie razburanaha mosta na Niamizie da 10 lutaha. Adpaviedny dakumient Minharvykankama apublikavany na Nacyjanalnym pravavym internet-partale i nabyvaje moc z 12 studzienia.
U suviazi z ramontnymi i inšymi pracami ŭvodzicca časovaja zabarona na ruch transpartu z 00.00 12 studzienia da 23.00 10 lutaha:
— pa vulicy Lenina ad praśpiekta Niezaležnaści da vulicy Niamiha;
— pa praśpiekcie Pieramožcaŭ ad vulicy Niamiha da vulicy Mielnikajcie;
— pa vulicy Niamiha ad vulicy Haradski Vał da vulicy Lenina;
— pa vulicy Maksima Bahdanoviča ad vulicy Lenina da vulicy Janki Kupały.
Nahadajem. što častka mosta praź Niamihu, jakaja złučaje praśpiekt Pieramožcaŭ z vulicaj Lenina, abvaliłasia ŭ noč na 8 studzienia. U toj ža dzień pačalisia pracy pa razborcy mosta, u aŭtorak jon byŭ całkam razabrany.
Kiraŭnik Minska Uładzimir Kucharaŭ paabiacaŭ pabudavać novy most za miesiac.
Kamientary