Nacyjanalnyja lidery zaklikajuć Amieryku «z dalnabačnaściu i enierhijaj» padtrymać prahramu Uschodniaje Partniorstva.
Nacyjanalnyja lidery zaklikajuć Amieryku «z dalnabačnaściu i enierhijaj» padtrymać prahramu Uschodniaje Partniorstva.
Voś źmiest lista:
«Z krainy Uschodniaj Jeŭropy, jakaja nie ŭvachodzić u NATA i ES
Spadar Prezident!
16 lipienia 2009 hoda polskaja hazieta «Gazeta Wyborcza» apublikavała list da Vašaj administracyi, jaki ŭźnimaje klučavyja pytańni Jeŭraatłantyčnaha partniorstva.Jaho padpisali 22 čałavieki, jakija źjaŭlajucca elitaj zamiežnaj palityki i palityki biaśpieki krainaŭ‑novych čalcoŭ NATO i ES, intelektuały Uschodniaj i Centralnaj Jeŭropy.
Naŭprost ci ŭskosna ŭsie pytańni, jakija jany zakranuli, datyčać dynamiki biahučych i, vierahodna, budučych padziejaŭ u ich rehijonie Jeŭropy, datyčnych adnosinaŭ z Rasiejaj. Jany zaklikajuć Złučanyja Štaty da ŭdziełu ŭ situacyi i supracoŭnictvie ŭ jakaści sapraŭdnaha partniora Jeŭropy, zaklikajuć vystupać adnosna prablemaŭ rehijona — pierakanaŭča, vyrazna i svoječasova.
Na žal, u napisańni hetaha lista nie ŭdzielničali, abo, prynamsi, jaho nie padpisali, ich kalehi z tych uschodniejeŭrapiejskich krainaŭ — Armienii, Azierbajdžana, Biełarusi, Hruzii, Małdovy i Ukrainy — jakija pakul nie źjaŭlajucca čalcami NATO i ES i nie majuć adpaviednych harantyjaŭ biaśpieki.Nie vypadkova, što heta tyja jeŭrapiejskija krainy, jakija bližejšyja za usio da Rasiei, i tyja, u kaho samy praciahły dośvied žyćcia pry savieckim rasiejskim kamuniźmie. Hety dośvied źjaŭlajecca asabliva važnym zaraz, u kantekście apošnich padziejaŭ i tendencyjaŭ.
Usie pytańni, uźniatyja aŭtarami adkrytaha lista, nadrukavanaha ŭ Gazeta Wyborcza, i šmat, šmat jakija inšyja, samym niepasrednym čynam datyčać našych krainaŭ. Rasiejska‑hruzinski kanflikt letaś, biez sumnievu, najbolš vidavočnaja demanstracyja hetaha faktu. Ale naŭrad ci adzinaja.
Ekanamičny šantaž Maskvy ŭ dačynieńni da Biełarusi, Małdovy i Ukrainy z metaj prymusić ich viarnucca ŭ śfieru ŭpłyvu Kramla ź jaho revizijanisckaj palitykaj, źjaŭlajecca mienš viadomaj, ale nie mienš realnaj pahrozaj dla ich budučyni.Pieryjadyčny enierhietyčny šantaž Rasiejaj usich hetych šaści krainaŭ staŭ normaj u pieršym dziesiacihodździ XXI stahodździa.
U vyniku doŭhaha daminavańnia spačatku Rasiei, zatym Savieckaha Sajuza našaja radzima Biełaruś — heta asablivy vypadak, i joj treba nadać asablivuju ŭvahu. My bačym, što sukupnaść faktaraŭ u sučasnaści — ekanamičnych, palityčnych, u śfiery biaśpieki — moža być šmatabiacalnaj dla «pieramienaŭ, u jakija my možam vieryć», jakija abvieściła vaša administracyja i jakija zachapili ŭjaŭleńnie ludziej va ŭsim śviecie.
ES z uchvalnaj mudraściu adkazaŭ na pieramienlivyja realii Uschodniaj Jeŭropy, u pryvatnaści, inicyjatyvaj Uschodniaje Partniorstva. Zaraz my zaklikajem ZŠA dałučycca da jaho z takoj ža dalnabačnaściu i enierhijaj.Z ŭsich pryčynaŭ, paznačanych padpisantami Adkrytaha lista ad 16 lipienia, jakija jany bačać ź ich vyjhryšnaj pazicyi čalcoŭ NATO i ES, my taksama zaklikajem ZŠA skarystacca mahčymaściami, jakija pakul jość. Z pazicyi krainaŭ, jakija znachodziacca pa‑za miežami hetych arhanizacyjaŭ, my možam prapanavać šmat što. I našyja patreby taksama vialikija. My čakajem ad Amieryki, hetak ža jak i ad Jeŭropy, mudraści i mužnaści, jakija tak nieabchodnyja ŭ naš čas.
Stanisłaŭ Šuškievič, eks‑śpikier biełaruskaha parłamienta, pieršy kiraŭnik Respubliki Biełaruś
Ivonka Surviła, Staršynia Rady Biełaruskaj Narodnaj Respubliki ŭ vyhnańni»
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
-
Ci jość siarod siłavikoŭ u turmach i kałonijach dobryja ludzi? Adkazvaje Łosik
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary