Krainy NATA abviaścili ab pierakidańni dadatkovych sił va Uschodniuju Jeŭropu
«NATA praciahnie prymać usie nieabchodnyja miery dla svajoj abarony i abarony ŭsich sajuźnikaŭ, u tym liku šlacham umacavańnia ŭschodniaj častki aljansu», — zajaviŭ hienieralny sakratar NATA Jens Stołtenbierh.
Krainy — členy NATA nakiravali dadatkovyja siły va Uschodniuju Jeŭropu.
Tak, Danija adpraviła frehat ŭ Bałtyjskaje mora i źbirajecca pierakinuć čatyry źniščalniki F-16 u Litvu. Ispanija adpraŭlaje vajennyja karabli dla ŭzmacnieńnia hrupoŭki NATA i razhladaje mahčymaść adpraŭki svaich źniščalnikaŭ u Bałharyju.
Niderłandy ŭžo vyrašyli pierakinuć u krasaviku ŭ Bałharyju dva svaje źniščalniki F-35. Francyja vykazała hatoŭnaść pierakinuć vajskoŭcaŭ u Rumyniju. ZŠA taksama dali zrazumieć, što hatovyja ŭzmacnić svaju vajskovuju prysutnaść u krainach Uschodniaj Jeŭropy, jakija ŭvachodziać u Paŭnočnaatłantyčny aljans.
«NATA praciahnie prymać usie nieabchodnyja miery dla svajoj abarony i abarony ŭsich sajuźnikaŭ, u tym liku šlacham umacavańnia ŭschodniaj častki aljansu. My zaŭsiody budziem reahavać na luboje paharšeńnie abstanoŭki ŭ halinie biaśpieki, u tym liku šlacham umacavańnia našaj kalektyŭnaj abarony», — zajaviŭ hienieralny sakratar NATA Jens Stołtenbierh.
Kamientary