Padčas ranišniaha špacyru ŭ Džona Chjuza spyniłasia serca.
Na 60‑m hodzie žyćcia ŭ čaćvier pamior viadomy amierykanski scenaryst i režysior Džon Chjuz (1950—2009).
Padčas ranišniaha špacyru 6 žniŭnia ŭ jaho spyniłasia serca. Jon naviedvaŭ svajakoŭ u Ńju-Jorku.
Džon Chjuz byŭ adnym z samych upłyvovych ludziej Halivuda dziakujučy nie hrošam, a svajmu talentu budavać zachaplalny siužet. Jon naradziŭsia ŭ 1950 hodzie i adtočvaŭ svoj talent, robiačy kopirajteram i fieljetonistam u humarystyčnych hazietach. U 80-yja napisaŭ i źniaŭ šerah kamiedyjaŭ i dramaŭ, jakija stali ŭzorami filmaŭ na školnuju i padletkavuju tematyku (stužki «Sustreča vypusknikoŭ» i «Kłub «Śniadańnie»).
Ale Džon Chjuz byŭ viadomy najpierš jak scenaryst filmaŭ «101 dałmaciniec», filma pra miłaha sienbiernara «Bietchovien», a taksama «Adzin doma». U 90-yja hady Chjuz pierastaŭ zdymać, ale pisaŭ scenary pad psieŭdanimam Edmon Dantes. Davaŭ idei dla siužetaŭ i zajmaŭsia pradusavańniem, siarod jahonych pracaŭ taho pieryjadu - dźvie sieryi praciaha «Adzin doma-2 i -3».
-
U Muziei Volnaj Biełarusi pakažuć 19 aryhinalnych litahrafij Napaleona Ordy
-
Cyrulnik i piśmieńnik Siarhiej Kalenda: «Jość ludzi, jakija kažuć: «Paśla takoj knihi ja b nie pajšoŭ da vas stryhčysia»
-
Na dziaržaŭnym telebačańni prahučała «Kupalinka» — jaje vykanaŭ sierbski ijeramanach, jaki šmat hadoŭ žyvie ŭ Biełarusi
Kamientary