Tolki zaraz stała viadoma, što padčas suda nad spartyŭnym žurnalistam Alaksandram Ivulinym 10 sutak aryštu atrymaŭ 19-hadovy student-treciakurśnik Pinskaha piedkaledža Illa Dabradziej. Taki prysud jamu vyniesła sudździa Natalla Dziadkova z suda Partyzanskaha rajona Minska, paviedamlaje pravabarončy centr «Viasna».
Illu zatrymali 17 studzienia ŭ sudzie Savieckaha rajona Minska, kudy jon pryjšoŭ padtrymać žurnalista i futbalista Alaksandra Ivulina. Milicyjantam nie spadabalisia try bieł-čyrvona-biełyja pałasy na zaplečniku studenta.
Na Dabradzieja skłali pratakoł pavodle art. 24.23 KaAP, abvinavaciŭšy jaho ŭ niesankcyjanavanym pikietavańni.
Na sudzie 19 studzienia Dabradziej svaju vinu nie pryznaŭ. Choć na zaplečniku jahonym sapraŭdy jość bieł-čyrvona-biełyja pałosy, ale svaje palityčnyja pohlady jon praź ich nie vykazvaŭ.
Tym nie mienš, sudździa pryznačyła jamu 10 sutak aryštu, jakija jon, vidać, užo adbyŭ. Choć u biahučaj praktycy represiŭnaj sistemy biaskoncaje dadavańnie terminaŭ adsiedki pa nadumanych abvinavačańniach tym, chto niečym nie dahadziŭ — zusim nie redkaść.
Čytajcie taksama:
Žurnalista Alaksandra Ivulina asudzili na dva hady kałonii
«Doŭha i ŭparta parušaŭ hramadski spakoj»: pačaŭsia sud nad žurnalistam Alaksandram Ivulinym
Da palitviaźnia Ivulina paštoŭka viarnułasia praz šeść hadoŭ — kolišni vychavaniec ź dziciačaha łahiera zachoŭvaŭ jaje ŭvieś hety čas
«U hetym uvieś Iva». Siabry — pra samaha viadomaha spartovaha žurnalista Biełarusi
Ciapier čytajuć
Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska4
Kamientary