U Žłobinie na BMZ uspyška karanavirusa, zachvareli bolš za 300 rabotnikaŭ
U Žłobinie na Biełaruskim mietałurhičnym zavodzie ŭspyška karonavirusa. Pa stanie na 3 lutaha siarod supracoŭnikaŭ zavoda byli zarehistravanyja bolš za 300 pacyjentaŭ z paćvierdžanym COVID-19. Pra heta paviedamiła načalnik miedsančastki BMZ Śviatłana Zak, pieradaje BiełTA.
U suviazi z hetaj situacyjaj hiendyrektar pradpryjemstva padpisaŭ zahad, pavodle jakoha rabotniki pradpryjemstva mohuć zastacca doma biez balničnaha da troch dzion z zachavańniem 80% zarobku. Syści na taki balničny rabotnik moža pa rašeńni kiraŭnika strukturnaha padraździaleńnia z ulikam vytvorčaj abstanoŭki.
Nahadajem, 31 studzienia ŭ Ministerstvie achovy zdaroŭja zajavili, što ŭ suviazi z chvarobaj rabotniki mohuć da troch dzion zastavacca doma biez pradastaŭleńnia balničnaha, kali na heta daść dazvoł pracadaŭca. Pry hetym u Minpracy paviedamili, što rašeńnie ab apłacie takoha balničnaha moža być praduhledžana kalektyŭnaj damovaj, inšymi łakalnymi pravavymi aktami arhanizacyi. Vyklučeńniem źjaŭlajucca biudžetnyja arhanizacyi.
Kamientary