«Chto mnie daść balničny z tempieraturaj 37?» Raskazvajem, jak pracujuć biełarusy ŭ razhar «amikrona»
«Idealny płan» Łukašenki ździajśniajecca — na «amikron ciapier chvarejuć kali nie ŭsie, to mnohija. Navat zaŭsiody ścipłaja aficyjnaja statystyka rezka rvanuła ŭvierch: ličby kolkaści zaražeńniaŭ, jakija štodnia publikuje Minzdaroŭja, vyraśli ŭ dva razy. U paliklinkach anšłah: čerhi da daktaroŭ, u jakich ludzi stajać hadzinami. Ale jak u takich umovach pracujuć ludzi? Što adbyvajecca ŭ kalektyvach i jak stavicca da chvaroby načalstva? Spytali ŭ našych čytačoŭ.
«Pracuju ŭ dziciačym sadku abłasnoha centra: chvareje pałova kalektyvu, — raskazvaje žančyna. — Hrupy abjadnoŭvajuć, na dźvie hrupy — adzin vychavaciel. Časam vychavacielaŭ zamianiajuć fizruki, navat psichołah.
Prapanujuć padpracoŭki, ale ŭsie ź nieachvotaj, bo apłačvajecca mizerna, a stamlaješsia kapiec jak. U nas pracuje 18 piedahohaŭ, 4 śpiecyjalisty. Z hetaj kolkaści šaściora adsutničajuć (ale adzin ź ich na vučobie). Pamočnikaŭ 12: ź ich chvarejuć piaciora. Abiedźvie kuchonnyja rabočyja taksama zachvareli.
Častka pieraniesła chvarobu na nahach (jak ja, naprykład), bo vałasy varušacca ad tych čerhaŭ u paliklinikach. I pazaražali, kaniečnie, inšych.
Ci nie mučaje sumleńnie? Mučaje. Ale chto mnie daść balničny z tempieraturaj 37? U nas jość vypadki, što i z tempieraturaj nie davali balničny. Chacia, kaniečnie, heta apraŭdvańnie siabie.
U kalektyvie pryščeplenyja nie ŭsie, ale šmat chto, bo načalstva pahražała nie dać niejkuju dadatkovuju premiju».
«Dvoje dziaŭčat nie zdoleli atrymać listki niepracazdolnaści, bo vialikija čerhi ŭ paliklinicy»
Inšy rabotnik nievialikaha dziaržpradpryjemstva raskazvaje:
«Z adzinaccaci rabotnikaŭ administracyi našaha pradpryjemstva chvarejuć troje. Dvoje dziaŭčat nie zdoleli atrymać listki niepracazdolnaści, bo vialikija čerhi ŭ paliklinicy, i stajać na vulicy 4-5 hadzin nie zdoleli.
Doktar dadomu nie idzie. Vyrašana było dać im try dni na lačeńnie ŭ chatnich umovach z vypłataj zarobku. Potym, mabyć, buduć na pracy znoŭ. Nakolki ja viedaju, hetyja dziaŭčaty nie pryščaplalisia.
Kaniečnie, nie pažadana ich bačyć, tamu adna zastaniecca pracavać z domu niekatory čas. Druhuju budziem trymać u mascy ŭ piatnicu i na tym tydni. Ale chvareje i načalstva, jakoje rabiła pryščepki: dyrektar, jaki vakcynavaŭsia trojčy».
«Adzin adździeł uvohule biez supracoŭnikaŭ, usie zachvareli»
«Ja pracuju ŭ pryvatnaj arhanizacyi. Na hetym tydni z 14 supracoŭnikaŭ było tolki 9, astatnija chvarejuć. Adzin adździeł uvohule biez supracoŭnikaŭ, usie zachvareli, — kaža čytačka ź Minska. — U mianie siamja z 4 čałaviek. Usie doma, my z mužam chvoryja na «amikron». Dačka vučycca ŭ adnoj z himnazij Minska — ich pieraviali na addalenaje navučańnie na tydzień, bo niama kamu zaniatki vieści».
Niedzie ludzi chvarejuć, ale načalstva stavicca da situacyi narmalna.
«Usiaho na našym pradpryjemstvie kala 50 čałaviek, ź ich paćvierdžany kavid u dzieviaci čałaviek. Dazvolena nie vychodzić na try dni na pracu pry najaŭnaści prykmiet zachvorvańnia. Kiraŭnikam zahadana nie dapuskać da pracy chvorych padnačalenych. Pracavać za inšych nie prymušajuć — chapaje i svajoj pracy», — piša čytač.
«Litaralna za paru dzion na minułym tydni amal pałova ofisa zachvareła»
Jašče adzin čytač raskazvaje:
«Na davoli doŭhi čas nas pieravodzili na pracu z doma, heta było jašče ŭ časy minułych chvalaŭ. Potym viartali nazad u ofis.
Ale ŭ apošnija miesiacy, z kanca leta jašče, addalenuju pracu zakryli, usie viarnulisia ŭ ofis, akramia mianie. Ja prosta skazaŭ, što albo zvalniajcie, albo ja pracuju z doma. I voś, litaralna za paru dzion na minułym tydni amal pałova ofisa (usiaho 20 čałaviek u im) zachvareła.
Z taho, što viedaju, u kaho pryščepak niama, u tych za 38 tempieratura, ale ničoha surjoznaha; chto vakcynavaŭsia, tyja albo nie zachvareli, albo prosta nasmark, adna dziaŭčyna ŭvohule daviedałasia pra kavid tolki kali ŭziali pcr u jaje. Nu i adrazu ž usich pa damach adpravili».
«Kiroŭca zachvareŭ, ale niama reziervu»
Taksama rehijanalnyja ŚMI paćviardžajuć — situacyja składanaja.
U Maładziečanskim aŭtaparku №4 musić być 127 kiroŭcaŭ, ale pracujuć tolki 92, ź jakich jašče i 19 čałaviek na balničnym.
«Kiroŭca zachvareŭ, ale niama reziervu. U 2021 hodzie my padniali kiroŭcam zarpłaty na 35%, ludzi zarablali pa 1 500 rubloŭ, ale nie ŭsich zadavalniaŭ napružany hrafik — supracoŭniki sychodzili. A ciapier ludzi chvarejuć.
Kali vyjduć z balničnaha, situacyja ŭ transpartnym absłuhoŭvańniem palepšycca. Ciapier zdarajecca, što i ŭ horadzie aŭtobusy na liniju nie vychodziać.
Asabliva apošni tydzień. Prosta tamu, što niama kamu jechać ci aŭtobus pieranakiravany na pryharad, dzie chodzić pa adnym aŭtobusie ŭ kožnym kirunku, i alternatyvy tam niama», — raspavioŭ partału Kraj.by Uładzimir Škoda namieśnik dyrektara aŭtaparka №4 Maładziečna.
***
Tym časam dziaržava supakojvaje, što ŭsio ŭ paradku. Ministr achovy zdaroŭja Pinievič kaža, što ciapier uzrovień špitalizacyi składaje nie bolš za 30% ad vosieńskaha piku, u reanimacyi znachodziacca 25-30% pacyjentaŭ.
Nahruzki na stacyjanary Ministerstva achovy zdaroŭja taksama nie adznačaje, adnak da jaje miedyki hatovyja: pa nieabchodnaści buduć razhortvacca dadatkovyja łožki, jość i nieabchodnyja miedykamienty.
Ale adnačasova biełarusaŭ zaklikajuć nie pravodzić viečary sustreč vypusknikoŭ, jakija tradycyjna prachodziać na pačatku lutaha. A ŭ Smarhoni navat praviali rejd pa vykanańni masačnaha režymu. Praŭda, niezrazumieła, navošta — abaviazkovy masačny režym byŭ skasavany jašče ŭvosień 2021-ha paśla abureńniaŭ Łukašenki.
Čytajcie jašče:
Katastrofa ŭ paliklinikach. Hihanckija čerhi na čatyry-šeść hadzin, sotni ludziej u kalidorach
«Kab nie kavid, jon by žyŭ i žyŭ». Biełarusy, što stracili blizkich padčas pandemii, raskazvajuć, jak pieražyli heta
Łukašenka prapanavaŭ rasiejcam i ŭkraincam skuplać za kapiejki biełaruskija vioski4
Kamientary