«Jak abmianiać staruju adnapakajoŭku na novuju dvuchpakajoŭku ŭ Novaj Baravoj ź pieršym uznosam $5000» — ekśpiert patłumačyła rekłamnyja zamanuchi

«Jak abmianiać staruju adnapakajoŭku na novuju dvušku ŭ Novaj Baravoj ź pieršym uznosam usiaho $5000? Raspaviadajem». Cudoŭnaja rekłama. Nu cudoŭnaja. A ciapier realny (chaj i pryblizny) raskład. Vybirajecie kvateru ŭ NB. Vybirajem jak raz tuju, što rekamiendujuć u rekłamie — dom 7.10. Dvuchpakajoŭka płoščaj 54 kvadraty za $82,45 tysiačy. Vaśmipaviarchovy dom, stoli 2,8 — pryhažość», — piša Litoŭskaja.

Dalej ekśpiert prahnazuje takoje raźvićcio padziej.

«Płacim piać tysiač dalaraŭ i addajom ahienctvu svaju kvateru na prodaž. Naprykład, adnušačku ŭ panelcy.

Zrazumieła, što ahienctva ad NB zacikaŭlenaje pradać jaje jak maha chutčej, pa nižniaj rynkavaj canie, a jana ciapier u rajonie 50, dobra, u vas krutaja adnapakajoŭka — 55 tysiač.

Vy z kvatery źjazdžaje ŭ zdymnuju abo da mamy-taty. I pavinny budziecie z momantu pieršaha avansu na praciahu dvuch miesiacaŭ raźličycca z zabudoŭščykam. Nu, takija ŭmovy. Zdabyć jašče $22,45 tysiačy. U kredyt. Abo ŭziać u zabudoŭščyka rasterminoŭku (ale jana tut usiaho hod, heta nie varyjant, kali bolš niama čaho pradavać)».

Adnak heta nie ŭsio. Tamu što kvatery, miarkujučy pa rekłamie, pradajucca z mašynamiescam u parkinhu. Štomiesiačny płaciož «usiaho ad 53 dalaraŭ».

Ale i heta taksama nie ŭsio.

«Termin zdačy doma — 4-y kvartał 2023 hoda. Plus dakiniem dva miesiacy na ramont. Kali budziecie zdymać da hetaha terminu (dva hady, na chvilinku) babušatnik, zapłacicie za arendu kala 4800, — praciahvaje padličvać ekśpiert. —

Kali voźmiecie na $22, 45 tysiačy kredyt (na 20 hadoŭ pad 21%), za hetyja ž dva hady addaścio banku kala 11 tysiač dalaraŭ u košt pahašeńnia kredytu (i jašče budziecie pavinny płacić 18 hadoŭ). Štomiesiačny płaciež budzie spačatku ekvivalentny 450-480 dalaram.

A, i nie zabyvajem 53 dalary ŭ miesiac za parkoŭku».

Takim čynam, štomiesiačny raskład atrymlivajecca taki: na zdymnaj kvatery, z płaciažom za arendu — 200, pa kredycie — 450, za parkoŭku — 53. Pry hetym treba budzie jašče niejak naźbirać na ramont i meblu.

Možna vybrać varyjant tańniejšy. Nie dvušku ŭ vaśmipaviarchoviku, a jeŭradvušku pamienš, u panelnym 23-paviarchoviku, dzie pa 10 kvater na paviersie. Jana abydziecca tańniej, tysiač u 68-70. Tady možna pasprabavać 8-10 tysiač uziać u rasterminoŭku na hod u zabudoŭščyka i hasić udarnymi tempami (pa $670-830), zaciahnuŭšy pojas.

Adnak i tut nie ŭsio dobra.

«Dom-śviečku 7.26 zdajuć u 1-m kvartale 2024-ha. I treba, pakul zdaduć i zrobiš ramont, dzieści žyć. Heta jašče (dla nieminčan) 2,5 hoda ŭ babušatniku pa 200 dalaraŭ. Nu i pra parkovačku pa 53 dalary ŭ miesiac nie zabyvajemsia.

Kažuć, kali ŭdzielničaješ u prahramie, dajuć źnižku na novuju kvateru, navat paru tysiač. Ale voś niejak heta nie mocna karektuje papiarednija raźliki.

A rekłama dobraja, mnie padabajecca. Pieršy ŭniosak usiaho $5000, i pierajazdžaješ u novuju kvateru», — reziumuje Litoŭskaja.

Ad 42 tysiač dalaraŭ za adnapakajoŭku. Na aŭkcyjon vystavili hatovyja kvatery ŭ roznych rajonach Minska

Što tańniej — zdymać kvateru ci kupić jaje ŭ kredyt? Praličyli abodva varyjanty

Amal $2 miljony za čatyry pakoi. Jak vyhladajuć samyja darahija kvatery ŭ Biełarusi

• 0
• 0
• 0
• 0
• 0
• 0
• 0
• 0