Bolš za 2,5 tysiačy mašyn zachraśli na miažy ź Litvoj. Mytniki kažuć, što prablema nie ŭ Biełarusi
Biełaruski mytny kamitet paviedamlaje, što za minułyja sutki kalehi ź Litvy tolki na 40% vykanali damoŭlenaści pa propusku aŭtamabilaŭ praź miažu. Prablema ŭ techničnych zbojach na litoŭskim baku, z 7 lutaha mašyny afarmlajuć uručnuju.
Pavodle biełaruskich mytnikaŭ, situacyja nie palepšaje jak minimum da 15 lutaha.
Za minułyja sutki mienš za ŭsio mašyn prajšło praz pamiežny punkt «Kamienny Łoh» — 152 pry normie 500. Havorka najpierš pra hruzavy transpart, ruch lehkavoha istotna skaraciŭsia z-za kavidnych abmiežavańniaŭ.
Jość prablemy i na polskim kirunku: tam prapuścili 65% ad ustanoŭlenaj normy.
Ciapier na vyjeździe ź Biełarusi staić bolš za 4,7 tysiačy hruzavikoŭ, ź ich kala 2,6 tysiačy — na litoŭskim kirunku, bolš za tysiaču — na polskim i stolki ž u bok Łatvii.
Biełaruski mytny kamitet davodzić, što sa svajho boku robić usio mahčymaje, kab paskoryć ruch čerhaŭ.
Nahadajem, rasijskaja Asacyjacyja mižnarodnych aŭtapieravozčykaŭ paskardziłasia namieśniku ministra zamiežnych spraŭ RF Andreju Rudenku na doŭhija čerhi ŭ punktach propusku na miažy Biełarusi ź ES. U liście Asacyjacyja ŭkazvaje na prablemu z boku niepasredna biełaruskaj miažy: pa ich słovach, pry prapusknoj zdolnaści punkta «Kamienny Łoh» u 500 mašyn za sutki, tam afarmlajuć tolki 300—400 fur.
Čytajcie jašče:
Rasijskija pieravozčyki skardziacca na doŭhija čerhi na miažy Biełarusi i ES. Vinavaciać biełaruski bok
«Vyhladaje, sprabujuć kantralavać adtok nasielnictva». Čamu ŭ Biełarusi da hetaha času nie admianili zabaronu na vyjezd
Ciapier čytajuć
Cichanoŭski na mitynhu ŭ Varšavie: Ja złamaju hety režym VIDEA3
Kamientary