Łukašenka pra rasijskija vojski: Jak z Pucinym zaŭtra prymiem rašeńnie, tak i budzie
Łukašenka i Pucin abmiarkujuć 18 lutaha ŭ Maskvie dalejšyja dziejańni sumiesnaj hrupoŭki vojskaŭ. Ab hetym Łukašenka zajaviŭ siońnia žurnalistam padčas aznajamleńnia z vučeńniami «Sajuznaja rašučaść — 2022» na palihonie Asipovicki.
«Viarnuć rasiejskich vajskoŭcaŭ u miescy pastajannaj dysłakacyi možna za sutki, ale jany buduć u Biełarusi «kolki treba», — zajaviŭ Łukašenka.
«Jak my prymiem zaŭtra rašeńnie [z Pucinym], tak i budzie», — dadaŭ jon.
Taksama jon zajaviŭ, što ŭ Biełarusi niama nieabchodnaści stvarać rasijskija vajennyja bazy. Ale jon choča, kab byŭ vučebny centr — «Iskandery» vyvučać.
Na 18 lutaha zapłanavany vizit Łukašenki ŭ Maskvu.
Učora ministr zamiežnych spraŭ Biełarusi Uładzimir Makiej zajaviŭ, što paśla vučeńniaŭ, jakija skončacca 20 lutaha, u Biełarusi nie zastaniecca nivodnaha rasijskaha sałdata, nivodnaj adzinki techniki.
Siońnia Łukašenka daŭ zrazumieć, što pytańnie heta jašče adkrytaje.
Skončyła žyćcio samahubstvam Śviatłana Krucikava ź Pinska, jakuju nieadnarazova sudzili za «ekstremizm»1
Kamientary