Pjany hamialčuk na BMV źbiŭ traich na pierachodzie, paśla zakinuŭ adnaho z paciarpiełych u mašynu i źjechaŭ. Padrabiaznaści
Dziŭnaje DTZ adbyłosia u Homieli siońnia ŭdzień. Padrabiaznaści «Našaj Nivie» raskazała žančyna, jakaja bačyła zdareńnie.
«My jechali pa vulicy Narodnaha Apałčeńnia ŭ levaj pałasie. Sprava nas abahnaŭ BMV. Padniaŭšy pyluhu, hnaŭ z chutkaściu kiłamietraŭ 100-120, — kaža vidavočca. — I na skryžavańni jon nie paśpieŭ zatarmazić i ŭrezaŭsia ŭ ludziej. Jon źbiŭ traich: dvuch mužčyn i žančynu, jany raźlacielisia, jak kiehli. Usie troje va ŭzroście, niedzie pa 50-60 hadoŭ.
My spynilisia, uklučyli avaryjku, muž pabieh na miesca zdareńnia. Tam užo pačali źbiracca ludzi, chto vyklikaŭ DAI, chto chutkuju. Usie ŭ šoku: chto płakaŭ, chto kryčaŭ.
Kiroŭca vyjšaŭ z BMV, adnaho z paciarpiełych zakinuŭ na zadniaje siadzieńnie, zakryŭ dźviery, sieŭ u mašynu — i sarvaŭsia ź miesca na čyrvonaje śviatło cieraz skryžavańnie.
Čamu jon zabraŭ mienavita taho mužčynu, ja nie viedaju. Moža, prosta tamu, što toj paciarpieły lažaŭ bližej za astatnich da dźviarej kiroŭcy.
U paciarpiełych była kroŭ i raźbityja hałovy. Žančyna padniałasia amal adrazu, mužčyna niejki čas lažaŭ. Paśla jamu dapamahli padniacca, paviali kudyści prysieści, pakul jedzie chutkaja.
My dačakalisia DAI, muž addaŭ im fłešku z našaha videarehistratara. Jaje daišniki paśla viarnuli, ale vydalili ŭsie zapisy. Dalej my źjechali pa svaich spravach».
Miascovyja internet-supołki pišuć, što BMV źviarnuŭ u adzin z dvaroŭ, dzie kiroŭca vysadziŭ z mašyny paciarpiełaha, a sam sprabavaŭ źbiehčy, ale jaho zatrymali.
«Jon źbiahaŭ, za im hnalisia troje mužčyn, — havoryć vidavočca zatrymańnia. — Mužčyny jaho dahnali. Ja vyjšła na vulicu da susiedki i bačyła, što kala mašyn DAI i achovy byŭ mužčyna z raźbitym tvaram».
U toj ža dvor pryjechała i naša pieršaja surazmoŭca.
«Paśla my z mužam pajechali, jak akazałasia, jakraz u toj dvor, dzie złavili taho kiroŭcu, — kaža žančyna. — Muž padychodziŭ da DAI, bačyŭ, što milicyjanty pastavili taho kiroŭcu na kapot. Jon vyhladaŭ pjanym, u mašynie ŭ nahach pad styrnom valałasia butelka harełki 0,7 litra. Kiroŭca — małady chłopiec, na vyhlad jamu niedzie 30-35».
Čytajcie jašče:
Kala Mikaševičaŭ lehkavik razdušyła vajskovym hruzavikom VIDEA
Na MKAD zdaryłasia avaryja adrazu z 10 mašynami
-
U Minsku ŭ 72‑hadovaha piensijaniera znajšli patrony, porach i vintoŭku z hłušycielem
-
U Naroŭli na pažary zahinuli 73‑hadovaja piensijanierka i dvoje jaje praŭnukaŭ — 5‑hadovaja dziaŭčynka i 10‑hadovy chłopčyk
-
U Čerykaŭskim rajonie mikraaŭtobus sutyknuŭsia ź lesavozam. Zamiest mašyny kuča mietałałomu, kiroŭca zahinuŭ
Kamientary