Prezident Litvy: Rasijanie rana ci pozna zrazumiejuć, što zajšli ŭ tupik
Prezident Litvy Hitanas Naŭsieda razvažaje pra toje, što ničym dobrym vajna va Ukrainie dla Rasii nie skončycca.
Taksama litoŭski prezident vykazaŭsia suprać udziełu inšych krain u vajnie — bo heta šlach da Treciaj suśvietnaj. Pra het jon raspavioŭ Delfi.
Hitanas Naŭsieda adznačyŭ, što Uładzimira Pucina spynić nie sproba tušyć pažar ahniom, a vialikija straty va Ukrainie.
«Pucina spynić nie sproba hasić pažar ahniom, a ŭ pieršuju čarhu, straty va Ukrainie. Čym bolš efiektyŭnaj i realnaj budzie dapamoha Ukrainie nie na słovach, a na spravie (…), tym bolš strat budzie ŭ Pucina, tym bolš zaciahvajučaj stanie vajna, jakaja ŭžo ciapier rasčaravała tych, chto płanavaŭ zachapić Ukrainu na praciahu niekalkich dzion, a kožny novy dzień vajny kaštuje Rasii niamała srodkaŭ (…), bo heta vojska akupanta — dla jaho ŭsio doraha, i ja, ščyra kažučy, nie baču matyvacyi.
Ja hladžu na hetych sałdacikaŭ — i nie baču matyvacyi, za što jany pavinny zmahacca. Za Pucina? Chto taki dla ich Pucin? Jany, niesumnienna, — armija ahresara, sałdaty ahresara. Kali hladziš na ŭkraincaŭ, dobra razumieješ, što jany zmahajucca za svaju ziamlu, za svaich žonak i dziaciej, siamju, narešcie — za svaju budučyniu. Ich vajennaja dyscyplina i bajavy duch nie paddajecca paraŭnańniu.
Vielmi ciažka kazać, my kožny dzień havorym pra žyćcio, pra hibiel ni ŭ čym nie vinavatych ludziej, ale čym daŭžej budzie iści hetaja vajna, tym bolš niaŭdałaj jana budzie dla Rasii, tym bolš cisku budzie ŭ samoj Rasii z boku rasijskaha hramadstva, aliharchaŭ, siaredniaha kłasa, pakolki jon užo ciapier nie moža karystacca tymi dabrotami, jakimi pryvyk karystacca na Zachadzie, i, napeŭna, razumieńnie taho, što ŭsio, Rasija izalavanaja, i heta nadoŭha, pryjdzie da ich rana ci pozna. Jany zrazumiejuć, što zajšli ŭ tupik i niezrazumieła, jak adtul vyjści, — razvažaje Naŭsieda.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary