Zavod «BiełDžy» adpraŭlaje rabotnikaŭ u adpačynak z-za «parušeńnia łahistyčnych suviaziaŭ»
SZAT «Biełdžy» prypyniaje dziejnaść da krasavika. Jak zapeŭnivajuć na pradpryjemstvie, časovaja paŭza nie adabjecca na prodažach i absłuhoŭvańni aŭtamabilaŭ Geely ŭ Biełarusi. Krasoviery Geely Atlas Pro, Geely Coolray i Tugella vyrablajucca na zavodzie pad Barysavam.

U pres-centry zavoda vydańniu av.by raskazali, što z 16 sakavika pa 1 krasavika častka supracoŭnikaŭ budzie adpraŭlena ŭ adpačynak. Takoje rašeńnie pryniata ŭ suviazi z parušeńniami łahistyčnych suviaziaŭ i pierabojami ŭ pastaŭkach materyjałaŭ i kamplektujučych z Kitaja.
Pieršym adnović pracu cech zvarki. Tyja, kamu vypadaje adpačynak na hety čas, atrymajuć naležnyja vypłaty, z astatnimi pytańni vyrašajucca indyvidualna.
Geely ŭžo druhi raz za biahučy hod padniała ceny na ŭsie mašyny. Tak, z 10 sakavika košt transpartnych srodkaŭ u zaležnaści ad madeli i madyfikacyi vyras na vieličyniu ad 6 500 da 17 800 rubloŭ.
Chutčej za ŭsio, aŭtamabili buduć daražeć i dalej, pakolki zavodu, jaki zakuplaje mašynakamplekty za valutu, nieabchodna kampiensavać straty ad pasłableńnia biełaruskaha rubla.
Kamientary