Завод «БелДжы» адпраўляе работнікаў у адпачынак з-за «парушэння лагістычных сувязяў»
СЗАТ «Белджы» прыпыняе дзейнасць да красавіка. Як запэўніваюць на прадпрыемстве, часовая паўза не адаб'ецца на продажах і абслугоўванні аўтамабіляў Geely ў Беларусі. Красоверы Geely Atlas Pro, Geely Coolray і Tugella вырабляюцца на заводзе пад Барысавам.
У прэс-цэнтры завода выданню av.by расказалі, што з 16 сакавіка па 1 красавіка частка супрацоўнікаў будзе адпраўлена ў адпачынак. Такое рашэнне прынята ў сувязі з парушэннямі лагістычных сувязяў і перабоямі ў пастаўках матэрыялаў і камплектуючых з Кітая.
Першым адновіць працу цэх зваркі. Тыя, каму выпадае адпачынак на гэты час, атрымаюць належныя выплаты, з астатнімі пытанні вырашаюцца індывідуальна.
Geely ўжо другі раз за бягучы год падняла цэны на ўсе машыны. Так, з 10 сакавіка кошт транспартных сродкаў у залежнасці ад мадэлі і мадыфікацыі вырас на велічыню ад 6 500 да 17 800 рублёў.
Хутчэй за ўсё, аўтамабілі будуць даражэць і далей, паколькі заводу, які закупляе машынакамплекты за валюту, неабходна кампенсаваць страты ад паслаблення беларускага рубля.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары