Za miesiac vajny było zatrymana kala 40 čałaviek pa padazreńni ŭ dyviersijach na čyhuncy. Vidavočna, dla ŭładaŭ hetyja akcyi — nie prosta drobnaje chulihanstva. Sabrali poŭnuju karcinu i hieahrafiju taho, što adbyvałasia na biełaruskaj čyhuncy.
Chranałohija dyviersij padčas vajny.
26 lutaha na pierahonie Viarchi-Viarejcy ŭ Mahiloŭskaj vobłaści vyviedzienaja sa stroju pryłada aŭtamatyki i telemiechaniki SCB (sihnalizacyi, centralizacyi i błakavańnia).
27 lutaha toje ž zdaryłasia kala stancyi Barysaŭ.
28 lutaha na prypynačnym punkcie Siniava kala Stoŭbcaŭ (Baranavickaje adździaleńnie čyhunki) spalili relejnuju šafu. U vyniku śviatłafory i strełačnyja pieravody na tym učastku peŭny čas byli ŭ niepracoŭnym stanie.
28 lutaha takuju ž dyviersiju ŭčynili na pierahonie Astankavičy — Žerdź (Homielskaja vobłaść).
1 sakavika na pierahonie Mahiloŭ-2 — Bujničy praz zakaračeńnie rejkavych łancuhoŭ naziralisia prablemy z rucham ciahnikoŭ.
14 sakavika na pierahonie Damanava — Lasnaja (Bresckaje adździaleńnie čyhunki) pryviali ŭ nieprydatnaść relejnuju šafu. Pahas prachadny śviatłafor.
16 sakavika na pierahonie Farynava — Zahaćcie (Viciebskaja vobłaść) spalili relejnuju šafu SCB. Z-za čaho na čas vyvieli sa stroju śviatłafory i strełačnyja pieravody na tym učastku.
16 sakavika na stancyi Orša-Centralnaja z relejnaj šafy demantavali i zabrali šeść sihnalnych transfarmataraŭ typu SOS2-50. Niekalki hadzin byŭ niaspraŭny vychadny śviatłafor.
25 sakavika na pierahonie Barysaŭ — Navasady spalili dźvie relejnyja šafy (cotny i niacotny napramak).
28 sakavika na pierahonie Asipovičy-1 — Viarejcy (kala prypynačnaha punkta «Saviecki») byli pahašanyja prachadnyja śviatłafony №2 (cotny napramak) i №3 (niacotny napramak). Pryłada SCB na hetym učastku była vyviedzienaja sa stroju praz padpał dźviuch relejnych šafaŭ.
30 sakavika na pierahonie Savičy — Biarezina (učastak Asipovičy — Homiel), kala prypynku «Babina», uskryli dźvie relejnyja šafy (adnu ź ich padpalili).
Ź siaredziny sakavika, jak paviedamlaŭ stačkam čyhunačnikaŭ, na niekatorych pierahonach i stancyjach pačali dziažuryć patruli ŭnutranych vojskaŭ. Paźniej kantralavać čyhunačnyja šlachi i infrastrukturu ŭ Homielskaj i Bresckaj abłaściach dadatkova adpravili śpiecnaz. Pa infarmacyi stačkama, patruli chodziać u cyvilnym adździeńni, majuć pry sabie zbroju i racyi z GPS-trekierami.
Nakolki hetyja dziejańni «partyzanaŭ» zaminajuć prasoŭvańniu rasijskich vojskaŭ?
«Kali nielha zabiaśpiečyć biaśpieku voinskaha ešałona, to jany nie buduć pahadžacca pakidać techniku. Stracić jaje niedzie na padychodzie — heta ryzyka.
Taksama zapavolvajecca na niekatory čas ruch ciahnikoŭ. Na apošniaj akcyi błakavali niekatoryja ŭčastki. Haśli ŭsie śviatłafory, patrabavaŭsia čas, kab vyjechali bryhady pa ramoncie, potym patrebny byŭ čas, kab heta ŭsio pieravieści ŭ ručny režym. Prapusknaja zdolnaść katastrafična padaje. Mahu taksama dadać, što ciapier vialiki deficyt supracoŭnikaŭ, jakija b pracavali ź pieravozkami», — raskazvali «Našaj Nivie» raniej u stačkamie čyhunki.
Z pačatku vajny na čyhuncy adbylisia taksama dźvie kibierataki. Pieršaja — 27 lutaha. Była paškodžanaja sistema dyśpietčarskaj centralizacyi «Nioman», čyhunku častkova pieraviali na ručnoje kiravańnie. Prahramnaje zabieśpiačeńnie, źviazanaje z rucham ciahnikoŭ, nie pracavała. Niemahčyma było kupić kvitki anłajn, a łahistyčnyja kampanii nie mahli atrymać dostup da asabistych kabinietaŭ.
Druhuju kibierataku ŭčynili 2 sakavika. Časova nie funkcyjanavali niekalki aŭtamatyčnych sistem: «Hrafik vykananaha ruchu», «Natatnik kiraŭnika», «Abaniencki punkt», «Aŭtadyśpietčar». Naziralisia prablemy z rucham ciahnikoŭ praz toje, što była zakranutaja dyśpietčarskaja centralizacyja «Nioman».
Što viadoma pra chłopcaŭ, zatrymanych sa stralaninaj za dyviersii na čyhuncy?
«Pa supracoŭnikach pracuje niepasredna KDB». Padrabiaznaści zatrymańniaŭ na čyhuncy
«Naša Niva» adnaŭlaje zbor danataŭ — padtrymać prosta
Ciapier čytajuć
Jak žyvie Aleś Muchin, viadomy znaŭca «Što? Dzie? Kali?»8
Kamientary