ААН прыпыніла членства Расіі ў Радзе па правах чалавека з-за зверстваў ва Украіне
Генеральная Асамблея ААН прыпыніла членства Расіі ў Радзе па правах чалавека. Галасаванне адбылося 7 красавіка. Рашэнне прынята на фоне публікацыі доказаў зверстваў, якія расійскія вайскоўцы робяць ва Украіне.
Для прыняцця рашэння была неабходная падтрымка як мінімум дзвюх трацін з тых краін Генеральнай Асамблеі ААН, якія прынялі ўдзел у галасаванні. Краіны, якія ўстрымаліся, не ўлічваюцца.
Свае галасы «за» аддалі 93 краіны, «супраць» прагаласавалі 24, устрымаліся 58.
У праекце рэзалюцыі, за які галасавалі, выказвалася «сур'ёзная занепакоенасць з-за працяглага крызісу правоў чалавека і гуманітарнага крызісу ва Украіне» з-за дзеянняў Расіі. Расія раней прыгразіла, што галасаванне «за» ці ўстрыманне будзе разглядацца як «несяброўскі жэст» з наступствамі для двухбаковых сувязяў.
Пасля апублікавання доказаў зверстваў, якія расійскія войскі чыняць ва Украіне, з заклікам выключыць Расію з Рады ААН па правах чалавека выступілі ЗША і Вялікабрытанія.
5 красавіка на пасяджэнні Рады Бяспекі ААН пастаянны прадстаўнік ЗША пры арганізацыі Лінда Томас-Грынфілд заявіла, што Расія «не павінна займаць аўтарытэтнае месца ў органе, адзінай мэтай якога з'яўляецца захаванне правоў чалавека».
І дадала: расійскае членства з'яўляецца не толькі праявай вышэйшай ступені крывадушнасці, але і стварае небяспеку, бо краіна выкарыстоўвае Раду як платформу для ілжывай прапаганды.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары