Prezident Hiermanii chacieŭ pryjechać u Kijeŭ, ale Zialenski nie choča jaho bačyć
Štajnmajer chacieŭ naviedać Ukrainu i pryjechać u Kijeŭ razam z uradavymi delehacyjami ź inšych krain ES užo ŭ sieradu, 13 krasavika.
Pavodle infarmacyi Bild, atrymanaj z ukrainskich uradavych kołaŭ, Štajnmajer chacieŭ naviedać Ukrainu i pryjechać u Kijeŭ razam z uradavymi delehacyjami ź inšych krain ES užo ŭ sieradu, piša «Ukrainskaja praŭda».
Adnak, pa źviestkach vydańnia, na hety momant prezident Uładzimir Zialenski nie choča sustrakacca ź im u Kijevie z-za ciesnych suviaziaŭ niamieckaha palityka z Rasijaj u minułym.
«My ŭsie viedajem pra ciesnyja suviazi Štajnmajera z Rasijaj, jakija taksama byli adznačanyja formułaj Štajnmajera (tyčyłasia pradastaŭleńnia Daniecku i Łuhansku asablivaha paradku samakiravańnia). Ciapier jamu nie rady ŭ Kijevie. Pahladzim, ci źmienicca heta», — paviedamiŭ vydańniu ukrainski dypłamat u Kijevie.
Pa infarmacyi Bild, z Kijeva ŭ ofis fiederalnaha prezidenta pastupiła dakładnaja zajava ab tym, što na hety momant jany nie hatovyja ni da jakich sustreč. Adnak nielha vyklučać mahčymaść sustrečy ŭ budučyni, zajavili ŭ Kijevie.
Siońnia Štajnmajer znachodzicca ź vizitam u Polščy, dzie jon sustreŭsia, u pryvatnaści, z prezidentam Polščy Andžejem Dudam. Asnoŭnaja tema vizitu — vajna Rasii suprać Ukrainy. Z Polščy Štajnmajer moh adpravicca va Ukrainu.
Štajnmajer paćvierdziŭ, što byŭ hatovy pajechać u Kijeŭ razam z kalehami z Polščy, Litvy, Łatvii i Estonii, ale tam paličyli jaho prysutnaść niepažadanaj.
«Polski prezident Andžej Duda niekalki dzion tamu prapanavaŭ, kab my razam z prezidentami Estonii, Łatvii i Litvy ździejśnili pajezdku ŭ Kijeŭ, kab padać tam mocny sihnał ahulnaj jeŭrapiejskaj salidarnaści z Ukrainaj. Ja byŭ hatovy da hetaha, ale … ja pavinien pryniać da ŭvahi, što ŭ Kijevie heta było niepažadana», — skazaŭ jon.
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda35
Kamientary