Pavieł Duraŭ prosić nie nazyvać jaho «rasijskim biznesmienam». I jon taki nie adzin
Šerah pradprymalnikaŭ, źviazanych pachodžańniem z Rasijaj, źviarnulisia da vydaŭcoŭ časopisa Forbes z prośbaj nie nazyvać ich «rasiejskimi biznesoŭcami». U pryvatnaści, piša vydańnie, pra heta paprasili pradstaŭniki zasnavalnika «VKontaktie» i Telegram Paŭła Durava.
«Pavieł źjechaŭ z Rasii šmat hadoŭ tamu i nie źbirajecca viartacca», — zajaviŭ pradstaŭnik biznesmena. Duraŭ niekalki hadoŭ fihuravaŭ u śpisach Forbes jak pradstaŭnik Rasii, adnak ciapier prosić pakazvać, što ź minułaha hoda jon źjaŭlajecca hramadzianinam Francyi (taksama ŭ zasnavalnika Telegram, pa najaŭnych dadzienych, jość hramadzianstva astraŭnoj dziaržavy ŭ Karybskim mory Sent-Kits i Nevis).
Taksama prosiać nie nazyvać ich rasijskimi biźniesmienami Ihar i Dźmitryj Buchmany — zasnavalniki kampanii Playrix, jakaja zajmajecca raspracoŭkaj mabilnych hulniaŭ, Mikałaj Staronski — suzasnavalnik Revolut i inviestar Juryj Milnier.
Buchmany zaśviedčvajuć, što jany niekalki hadoŭ tamu pierajechali ŭ Izrail, a pradstaŭniki Staronskaha nahadvajuć, što jon źjaŭlajecca hramadzianinam Vialikabrytanii.
Juryj Milnier nastojvaje na tym, što z 2014 hoda nie byŭ u Rasii i nie maje aktyvaŭ na jaje terytoryi, a jašče ŭ 1999 hodzie atrymaŭ hramadzianstva Izraila.
Forbes adznačaje, što prośby ad pradprymalnikaŭ, jakija majuć suviazi z Rasijaj, nie pakazvać ich u śpisach jak «rasijskich biznesmienaŭ» pastupali i raniej, adnak apošnija niekalki miesiacaŭ kolkaść takich zvarotaŭ pavialičyłasia, u tym liku na fonie sankcyj, uviedzienych u dačynieńni da Rasii praz uvarvańnie va Ukrainu.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?62
Kamientary