U Rasii za admaŭleńnie «vyrašalnaj roli» SSSR u razhromie nacysckaj Hiermanii buduć aryštoŭvać i štrafavać
Prezident Rasii Uładzimir Pucin padpisaŭ zakon, jaki praduhledžvaje aryšt abo štraf za publičnaje atajasamleńnie SSSR z nacysckaj Hiermanijaj i admaŭleńnie «vyrašalnaj roli savieckaha naroda ŭ razhromie nacysckaj Hiermanii i humanitarnaj misii SSSR pry vyzvaleńni krain Jeŭropy».
Pavodle hetaha artykuła praduhledžana pakarańnie dla fizičnych asobaŭ — štraf da 2 tysiač rubloŭ abo administracyjny aryšt da 15 dzion. Dla jurydyčnych asobaŭ — štraf da 50 tysiač rubloŭ, pry paŭtornym parušeńni im pahražaje prypynieńnie dziejnaści na termin da 90 sutak.
Dapaŭnieńni ŭniesienyja ŭ Kodeks ab administracyjnych pravaparušeńniach. Jon uvodzić adkaznaść za parušeńnie federalnaha zakona, jaki zabaraniaje admaŭlać «vyrašalnuju rolu» SSSR «u razhromie nacysckaj Hiermanii», jaki Pucin padpisaŭ 1 lipienia 2021 hoda. Havorka ŭ zakonie idzie pra publičnyja vystupleńni, tvory, paviedamleńni ŭ ŚMI i internecie, jakija demanstrujucca publična.
Historyk i palityčny analityk Alaksandr Frydman daścipna prakamientavaŭ hety zakon u svaim telehram-kanale:
«Uładzimir Pucin idzie nie ŭ nahu z časam: siońnia jon padpisaŭ zakon ab štrafach za atajasamleńnie SSSR i nacysckaj Hiermanii. Kudy bolš aktualnym u śviatle siońniašnich realij źjaŭlajecca, adnak, zakon ab zabaronie na atajasamleńnie (paraŭnańnie) RF i nacysckaj Hiermanii. Taki zakon rasijanam jašče treba padrychtavać i pryniać».
Kamientary