У Расіі за адмаўленне «вырашальнай ролі» СССР у разгроме нацысцкай Германіі будуць арыштоўваць і штрафаваць
Прэзідэнт Расіі Уладзімір Пуцін падпісаў закон, які прадугледжвае арышт або штраф за публічнае атаясамленне СССР з нацысцкай Германіяй і адмаўленне «вырашальнай ролі савецкага народа ў разгроме нацысцкай Германіі і гуманітарнай місіі СССР пры вызваленні краін Еўропы».
Паводле гэтага артыкула прадугледжана пакаранне для фізічных асобаў — штраф да 2 тысяч рублёў або адміністрацыйны арышт да 15 дзён. Для юрыдычных асобаў — штраф да 50 тысяч рублёў, пры паўторным парушэнні ім пагражае прыпыненне дзейнасці на тэрмін да 90 сутак.
Дапаўненні ўнесеныя ў Кодэкс аб адміністрацыйных правапарушэннях. Ён уводзіць адказнасць за парушэнне фэдэральнага закона, які забараняе адмаўляць «вырашальную ролю» СССР «у разгроме нацысцкай Германіі», які Пуцін падпісаў 1 ліпеня 2021 года. Гаворка ў законе ідзе пра публічныя выступленні, творы, паведамленні ў СМІ і інтэрнэце, якія дэманструюцца публічна.
Гісторык і палітычны аналітык Аляксандр Фрыдман дасціпна пракаментаваў гэты закон у сваім тэлеграм-канале:
«Уладзімір Пуцін ідзе не ў нагу з часам: сёння ён падпісаў закон аб штрафах за атаясамленне СССР і нацысцкай Германіі. Куды больш актуальным у святле сённяшніх рэалій з'яўляецца, аднак, закон аб забароне на атаясамленне (параўнанне) РФ і нацысцкай Германіі. Такі закон расіянам яшчэ трэба падрыхтаваць і прыняць».
-
Ругінене: Літва гатова разгледзець запыт ЗША аднавіць транзіт беларускіх угнаенняў, калі ён будзе
-
Кіраўнік МЗС Азербайджана паведаміў пра «сур'ёзныя пытанні» да Масквы праз закрыццё справы аб катастрофе лайнера AZAL
-
Зяленскі дапусціў, што Трамп можа прыехаць ва Украіну для падтрымкі плана мірнага пагаднення
Каментары