U Chiersonskaj vobłaści ŭ pačatku maja rasijskija akupacyjnyja vojski płanujuć pravieści psieŭdarefierendum dla stvareńnia tak zvanaj «Chiersonskaj narodnaj respubliki». Pra heta zajaviła upaŭnavažanaja Viarchoŭnaj Rady pa pravach čałavieka Ludmiła Dzianisava.
Pavodle jaje, u Chiersonie płanujuć vykarystoŭvać schiemu psieŭdarefierendumaŭ, jakija rasijanie pravodzili ŭ 2014 hodzie ŭ Łuhansku i Daniecku, kali zamiest vyjaŭleńnia narodaŭładździa była stvoranaja karcinka dla rasiejskaha telebačańnia.
«Pavodle infarmacyi śviedak, u drukarni horada Novaja Kachoŭka drukujuć «biuleteni» dla praviadzieńnia«refierendumu». Vidavočna, usie pratakoły ab vynikach «hałasavańnia» buduć padrychtavanyja zahadzia i zaviezienyja ŭ abłasny centr», — napisała Dzianisava.
Pravieści psieŭdarefierendum płanujuć z 1 maja pa 10 maja. U hety pieryjad majuć namier zakryć Chierson na ŭjezd i vyjezd i adklučyć suviaź, adznačyła jana.
«Hłupstva abo zdrada, mahčyma, i toje i druhoje». Jak zdali Chierson
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?8
Kamientary