Znojdzienaje tłumačeńnie ŭsim biedam hetaha hoda: pryčyna ŭ retrahradnym Mierkuryi
Mierkuryj u retrahradzie — adzin z samych viadomych astrałahičnych fienomienaŭ, jaki źviazvajuć z pravałami va ŭsim, što tolki možna sabie ŭjavić. 2022 hod bahaty na takija pieryjady, ale — rychtujciesia — 10 maja akurat i pačniecca pieryjad retrahradnaha Mierkuryja.
Retrahradnym Mierkuryjem nazyvajuć takoje znachodžańnie hetaj płaniety na niebie, kali jana nibyta ruchajecca nazad, doŭžycca taki pieryjad niekalki tydniaŭ. Ale ž advarotny ruch Mierkuryja — tolki iluzija, źviazanaja z tym, što na adnym z etapaŭ arbita płaniety prachodzić blizka kala ziamnoj. Tym nie mienš, amatary astrałohii zvyčajna ŭličvajuć hety fienomien u płanavańni svaich spraŭ.
U hetym hodzie im budzie składaniej, čym zvyčajna, bo nas čakaje ažno čatyry «retrahrady» zamiest zvyčajnych troch.
Bližejšy ź ich adbudziecca niedzie pamiž 10 maja i 2 červienia, piša Wall Street Journal.
Retrahradny Mierkuryj časta vykarystoŭvajuć jak apraŭdańnie dla tych situacyj, u jakich usio što možna pajšło nie tak.
Padobnaja historyja zdaryłasia z žycharkaj Taronta Amandaj Kacopułas, jakaja cikavicca astrałohijaj i znachodzić takija suviazi. U lutym hetaha hoda, kali Mierkuryj byŭ u retrahradzie, jana papiaredžvała svajačku, što heta nie najlepšy čas, kab jechać da rodnych u Fłarydu, ale taja nie chacieła słuchać Amandu. Vynik — zatrymka rejsa na piać hadzin.
Jašče adna historyja: Džulija Łem, administratarka hatela ŭ Kalifornii, raspaviadaje, što adkładzie da kanca pieryjadu retrahradnaha Mierkuryja składanuju razmovu z bosam. Žančyna źbirajecca prasić jaho pra pavyšeńnie i starajecca padabrać dla razmovy jak maha lepšy čas.
Ale ž nie zaŭsiody paźbiahańnie pieryjadu retrahradu akazvajecca paśpiachovym. Žychar amierykanskaha Bałtymora spadar Makmanus pačaŭ u studzieni razam z partnioram šukać novy dom, ale ž z hetaha ničoha nie vychodziła. Makmanus zapadozryŭ, što sprava ŭ retrahradnym Mierkuryi, jaki tady jakraz nabližaŭsia, i vyrašyŭ časova prypynić pošuki.
Paśla taho, jak u lutym retrahrad skončyŭsia, Makmanus z partnioram viarnulisia da pošukaŭ. Ale ž i ciapier u amierykancaŭ ničoha nie atrymlivajecca, i jany vielmi spadziavajucca nie trapić užo pad nastupny retrahrad, jaki pačniecca ŭ mai.
Viadoma, što nie ŭsie staviacca da Mierkuryja ŭ retrahradzie surjozna. Šmat dla kaho hetaja historyja — dobraja padstava pažartavać i «skinuć» na Mierkuryj adkaznaść za ŭłasnyja pravały. Prapanujem vam nievialičkuju padborku adpaviednych žartaŭ ź sieciva:
«Prabačcie za ŭsio, što ja skazaŭ, pakul Mierkuryj byŭ u retrahradzie»
«Vitaju, Mierkuryj. Heta ja. Možna nie ciapier?»
«Jany: jak ty pieražyvaješ hety retrahrad? Ja: …»
«Ja: «Cha! Retrahradny Mierkuryj zusim na mianie nie ŭpłyvaje!» Taksama ja: (śmiajecca), (płača)»
«Vy možacie ŭžo vychodzić, retrahradny Mierkuryj skončyŭsia!»
«Jak ty pieražyvaješ hety retrahrad?» — «Prosta cudoŭna, a što?»
«Taksičnyja ludzi i tvoj były padčas retrahradnaha Mierkuryja».
«Jak ja pračnuŭsia siońnia ranicaj, viedajučy, što retrahradny Mierkuryj skončyŭsia».
«Naša Niva» adnaŭlaje zbor danataŭ — padtrymać prosta
Čytajcie taksama:
«Pryjšła z pytańniem, ci budu ja siadzieć u turmie». Biełaruski raskazali pra svaje pachody da varažbitak i astrałohaŭ
Kandydat u prezidenty ad kamunistaŭ zaklikaje zabrać i padzialić majomaść apazicyjanieraŭ1
Kamientary