Kultura

Top-3 miastečak Homielščyny. Rejtynh ad Jahora Marcinoviča

Hałoŭny redaktar «Našaj Nivy», a ciapier palitviazień Jahor Marcinovič šmat jeździŭ pa Biełarusi. Adno z takich padarožžaŭ było pa Homielščynie. Jahor abjechaŭ jaje praktyčna ŭsiu — ad Karmy da Žytkavičaŭ. I voś miescy, jakija ŭrazili tam najbolš.

Jahor nie braŭ da ŭvahi bujnyja harady — skłaŭ top ź mienšych. Svaje puciavyja natatki našaniviec publikavaŭ u Fejsbuku. Pryvodzim ich.

«Skažu ščyra, što čakaŭ ad padarožža mienš pazityŭnych uražańniaŭ, — pisaŭ hałoŭny redaktar. — Ale akazałasia, što i tut vielmi šmat zapaminalnych miescaŭ.

1. Čačersk

Jakaja tam ratuša! Na zdymkach nie adrazu źviartaješ uvahu, što ŭ jaje draŭlanyja viežy. Kali-niebudź znoŭ zajedu pahladzieć na hety niezvyčajny miks stylaŭ.

Ratuša z Čačersku. Fota: Wikipedia / Uładzimir Sarokin

Taksama tut jość niezvyčajnaja carkva na kruhłaj płoščy. U jaje niejkija dziŭnyja praporcyi, pa-mojmu, architektar adyšoŭ ad usich kanonaŭ. Ale ad hetaha jana robicca jašče bolš zapaminalnaj.

Spasa-Preabraženskaja carkva. Fota: Holiday.by

2. Chojniki + Barysaŭščyna

Adroźnieńnie hetych krajoŭ ad Zachodniaj Biełarusi, pra jakoje ja raniej nie zadumvaŭsia: na Homielščynie absalutnaja bolšaść architekturnych abjektaŭ pabudavanaja paśla dałučeńnia ziemlaŭ da Rasijskaj impieryi novymi haspadarami. U vyniku vyhladaje ŭsio inačaj.

U Chojnikach jość pryhožaja błakitnaja siadziba pačatku XX stahodździa, ciapier u joj krajaznaŭčy muziej. Isnavańnie luboj biudžetnaj arhanizacyi ŭ pomniku architektury — heta pazityŭny faktar u našych umovach, prynamsi niejkija hrošy buduć iści, tamu budynak nie pavinien razvalicca.

Chojnicki krajaznaŭčy muziej. Fota: sacsietki muzieja

Barysaŭščyna — heta hihanckaja vodanapornaja vieža, asnoŭnaje, što zastałosia ad siadziby. Piać pavierchaŭ! Kažuć, u brežnieŭskija časy ŭ jaje zasialili ludziej.

Siadziba Jastržembskich, Barysaŭščyna. Fota: Staronka ŭ Fejsbuku Jahora Marcinoviča

3. Juravičy

Tut ja ŭžo ŭ treci-čaćviorty raz, ale miastečka nadzvyčaj miłaje. Praŭda, jak na moj hust, to ŭ Juravičach adnačasova raźvivajucca dźvie tendencyi. Hara, na jakoj znajšlisia pieršyja ślady čałavieka, stanovicca ŭsio bolš turystyčnaj — zručnyja leśvicy, muziej u hary, niejkija vihvamy pastavili navat.

Miesca pieršabytnaj stajanki. Fota: yandex.by

A voś pravasłaŭny manastyr na miescy jezuickaha kalehiuma… Ja amal nikoli nie krytykuju restaŭracyju, ale heta realna tryndziec. Zalapić cahlanuju ścianu słojem cemientu šmat mazhoŭ nie treba, ale vyhladaje vyrodliva. Juravičy piać hadoŭ tamu — pryhažaść, a praź piać hadoŭ, dumaju, źjavicca sajdynh. Škłapakiety ŭžo jość, kali što».

Juravicki manastyr. Fota: fejsbuk Jahora Marcinoviča

***

Padarožničajcie pa Biełarusi i dzialiciesia svaimi ŭražańniami ź Jahoram u listach!

Pisać palitźniavolenym našaniŭcam možna pa adrasie: ST-4, Mahiloŭ, vuł. Krupskaj, 99A, 212011,

Marcinoviču Jahoru Alaksandraviču,

Skurko Andreju Hienadzieviču.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Chakieisty minskaha «Dynama» paśla treniroŭki z Łukašenkam dvojčy zapar biazvolna sastupili. Siońnia z 3:0 da 3:47

Chakieisty minskaha «Dynama» paśla treniroŭki z Łukašenkam dvojčy zapar biazvolna sastupili. Siońnia z 3:0 da 3:4

Usie naviny →
Usie naviny

«Uziaŭ nahan 1917 hoda». Polšča raźviarnuła 3D-mastaka na miažy z-za chobi i zabaraniła ŭjezd na 5 hadoŭ. Doma taksama prablemy7

CRU rassakreciła dakumient ab napadzie inšapłanietnikaŭ na savieckich vajskoŭcaŭ7

Bolš čałaviečy, ale vierny pryncypam. Jakim atrymaŭsia 7-y siezon «Čornaha lusterka»

Zialenski zaklikaŭ Trampa naviedać Ukrainu2

Paśla ŭdaru pa Sumach 13-hadovy chłopiec vybraŭsia z pałajučaha aŭtobusa i dapamoh ratavać inšych

Biełarus raskazaŭ, jak novyja handlovyja taryfy ZŠA adbilisia na pracy jaho zavoda ŭ Techasie25

Stajać na adnoj nazie z knihaj na hałavie ŭ pamiać pra błakadu Leninhrada. Čynoŭniki zapuścili vielmi dziŭny čelendž da 9 Maja41

Samyja chałodnyja i samyja vietranyja miescy Biełarusi — praviercie svoj horad

Mer ukrainskaha Kanatopa abvinavaciŭ ułady Sumaŭ u arhanizacyi ŭznaharodžańnia vajskoŭcaŭ10

bolš čytanych navin
bolš łajkanych navin

Chakieisty minskaha «Dynama» paśla treniroŭki z Łukašenkam dvojčy zapar biazvolna sastupili. Siońnia z 3:0 da 3:47

Chakieisty minskaha «Dynama» paśla treniroŭki z Łukašenkam dvojčy zapar biazvolna sastupili. Siońnia z 3:0 da 3:4

Hałoŭnaje
Usie naviny →

Zaŭvaha:

 

 

 

 

Zakryć Paviedamić