Na vajnie z Rasijaj zahinuła 100 tysiač ukrainskich vajskoŭcaŭ — CBS
Uładzimir Zialenski u intervju žurnalistu CBS News Skotu Pieli padkreśliŭ, što zaraz ukraincy «płaciać samuju vysokuju mahčymuju canu», a zakadravy hołas skazaŭ, što na vajnie ŭžo zahinuli 100 tysiač sałdat.
CBS acaniła straty Ukrainy ŭ vajnie da 100 tysiač vajskoŭcaŭ. Viaščalnik ahučyŭ kolkaść zahinułych u prahramie «60 chvilin», pradstaŭlajučy intervju z prezidentam Ukrainy Uładzimiram Zialenskim. U ofisie prezidenta ŭ kamientary UP źviarnuli ŭvahu na toje, što sam Zialenski padčas intervju nie nazyvaŭ ličby pa stratach vajskoŭcaŭ.
Adkazvajučy na pytańnie Pieli, ci ZŠA i dalej padtrymlivajuć Ukrainu, Zialenski zrabiŭ zaciažnuju šmatznačnuju paŭzu, zatym adkazaŭ, što chacieŭ by sumlenna i chutka nazvać Vašynhton stratehičnym partnioram, ale «paŭza heta sumnieŭ».
«Ja nie sumniavajusia, što amierykancy z nami, ale ŭ našaj doŭhaj vajnie mnohija detali zabyvajucca», — rastłumačyŭ jon. Zialenski dadaŭ, što ŭ Jeŭropie ŭsie bajacca, što ZŠA mohuć adviarnucca.
«Dumaju, biez ZŠA my paniasiem vialikija straty — čałaviečyja i terytaryjalnyja. Tamu ja nie chacieŭ by pra heta dumać. Ale heta naš los, naša ziamla, naša žyćcio. Tak ci inakš my skončym hetuju vajnu», — skazaŭ Zialenski.
Darečy, dva miesiacy tamu prezident Ukrainy kazaŭ, što na vajnie zahinuli 46 tysiač ukrainskich vajskoŭcaŭ.
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary