Na hrodzienskim miasakambinacie zrabili partyju pradukcyi ź miasa zubra
Aŭtar błoha pra ježu i ŭstanovy charčavańnia Biełarusi KoKo.by dniami zaŭvažyŭ u prodažy ŭ biełaruskaj kramie miasnyja vyraby z čyrvonaknižnaha zubra.
Ekzatyčny pradukt błohier pabačyŭ u kramie «Jeŭraopt Pałaca». Vyrablaje jaho Hrodzienski miasakambinat, u prodažy pradstaŭlenyja sierviełat pa 84 rubli za kiłahram i pastrama pa-biełaviežsku za 125 rubloŭ.
Pry hetym aŭtar pryhadaŭ historyju pra toje, što ŭ studzieni 2022 hoda Minpryrody paviedamiła pra toje, što ŭ Śvisłackim rajonie 21 zubr pravaliŭsia pad lod i zahinuŭ, sprabujučy pierajści vadajom, i dapuskaje, što heta moža niejak być źviazana.
Dla cikavaści błohier navat nabyŭ hetuju redkuju pastramu, jakaja składajecca z zubraciny na 100%, zapłaciŭšy za 212 h 26,50 rubloŭ. I paśla dehustacyi robić vysnovu:
«Smačna, ale sumna, inakš nie skažaš. Miasa suchoje, amal biez žyłaŭ, soli možna było b i mienš, miakkaje, ale nie dla starečych pratezaŭ. Pachnie, jak jałavičyna, vyhladaje, jak jałavičyna, na smak taksama jak jałavičyna. Navošta pierapłačvać?!»
Internet-sajtu «Anłajnier» situacyju krychu patłumačyli ŭ Dziaržaŭnaj inśpiekcyi achovy žyviolnaha śvietu. Tam skazali, što miasa, ź jakoha zroblenyja vyraby, chutčej za ŭsio, z reziervovaha hienafondu zubra, da jakoha adnosiacca traŭmavanyja i staryja žyvioliny, jakija nie ŭdzielničajuć u razmnažeńni i nie ŭjaŭlajuć kaštoŭnaści dla zachavańnia vidu. Pramysłovaj vytvorčaści praduktaŭ z zubraciny ŭ Biełarusi niama, a tamu havorka, całkam mahčyma, viadziecca pra niejkuju limitavanuju partyju miasnych vyrabaŭ.
-
«Spačatku padumaŭ, što sabaka». U Biahomli nočču pa dvarach biehaŭ miadźviedź VIDEA
-
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
-
Skakali z 4 mietraŭ: litoŭskija pamiežniki pakazali, jak pakistancy i afhancy praryvajucca ź Biełarusi ŭ Litvu VIDEA
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu4
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary