«Biełmiedpreparaty» pierachodziać na čatyrochdzionku ŭ poŭnym składzie, za vyklučeńniem hienieralnaha dyrektara
Jak stała viadoma «Našaj Nivie», «Biełfarmpram» zahadaŭ «Biełmiedpreparatam» pierachodzić na čatyrochdzionny pracoŭny tydzień z 14 červienia jak minimum da kanca lipienia. Dadatkovym vychadnym stanovicca piatnica, apłata raboty — «praparcyjna faktyčna adpracavanamu času».
Rasparadžeńnie, kopija jakoha jość u Redakcyi, tyčycca amal usich adździełaŭ pradpryjemstva: zakupak, prodažu i markietynhu, buchhałteryi, kadraŭ, farmakanahladu, sanitarna-pramysłovaj łabaratoryi, viadučych inžynieraŭ i inšych.
Vyklučeńnie — hienieralny dyrektar.
Pryčyny rašeńnia ŭ rasparadžeńni tłumačacca razmytaj farmuloŭkaj: «u metach aptymizacyi vydatkaŭ».
Vychad na rabotu ŭ piatnicu ciapier stanovicca cełaj historyjaj: dla hetaha treba aformić zapisku kiraŭnika strukturnaha padraździaleńnia i ŭzhadnić z namieśnikam hienieralnaha dyrektara z abhruntavańniem vychadu, a taksama ŭkazać, na jaki dzień pieranosicca vychadny ŭ zalik adpracavanaj piatnicy.
Raniej paviedamlałasia, što «Biełmiedpreparaty» sutyknulisia ź ciažkaściami ŭ vytvorčaści miedykamientaŭ: pa pryčynie sankcyj adhruzka niekatorych preparataŭ nie płanujecca ŭ nastupnyja miesiacy ci naohuł u 2022 hodzie.
Čytajcie taksama: U «Biełmiedpreparataŭ» prablemy z vypuskam lekaŭ — usia sprava ŭ sankcyjach
Ciapier čytajuć
«Stajać na svaim, kožny nakolki moža!» Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii13
Kamientary