Minabarony Biełarusi abjaviła ab druhim etapie «raptoŭnaj pravierki sił reahavańnia»
U Biełarusi pačaŭsia druhi etap «raptoŭnaj pravierki sił reahavańnia», paviedamiŭ ministr abarony Viktar Chrenin.
Načalnik Hienštaba Uzbrojenych sił Biełarusi Viktar Hulevič zajaviŭ ab naroščvańni vajennaj prysutnaści ZŠA i ich sajuźnikaŭ kala biełaruskaj miažy. Jon śćviardžaje, što ŭ vučeńniach płanujecca zadziejničać da 20 tysiač čałaviek i vialikuju kolkaść techniki. Akramia taho, pavodle jaho słoŭ, płanujucca jašče siem vučeńniaŭ na terytoryi krain, jakija miažujuć ź Biełaruśsiu.
«Pry hetym adpracoŭka pytańniaŭ pa prymianieńni raźviedvalna-dyviersijnych sił, vysadka desanta, prymianieńnie sił śpiecyjalnych apieracyj nie śviedčyć ab miralubivaj skiravanaści hetych vučeńniaŭ. Zychodziačy z hetaha, va Uzbrojenych siłach vypracavany ceły kompleks mierapryjemstvaŭ, nakiravanych na supraćdziejańnie mahčymym pahrozam», — zajaviŭ Hulevič.
Z metaj zabieśpiačeńnia biaśpieki Respubliki Biełaruś na paŭdniovym napramku siły padraździaleńniaŭ sił śpiecyjalnych apieracyj razhornutyja na troch taktyčnych kirunkach, paviedamiŭ Hulevič.
U ramkach pravierki z 10 maja ŭ Bresckaj i Hrodzienskaj abłaściach sfarmujuć terytaryjalnyja vojski Kobrynskaha i Lidskaha rajonaŭ, dadali ŭ pres-słužbie viedamstva. Z zapasu na vajskovyja zbory płanujecca pryzvać kala 430 čałaviek.
Ab pačatku «raptoŭnaj pravierki sił reahavańnia» ŭ Minabarony Biełarusi abjavili 4 maja. Meta pravierki, jak zajavili ŭ viedamstvie, — acenka hatoŭnaści i zdolnaści vajennych da «apieratyŭnaha reahavańnia na mahčymaje ŭźniknieńnie kryzisnych situacyj». Pry hetym u viedamstvie adznačyli, što hetyja «mierapryjemstvy źjaŭlajucca adnoj z najbolš efiektyŭnych form navučańnia vojskaŭ i nie niasuć nijakaj pahrozy ni dla jeŭrapiejskaj supolnaści ŭ cełym, ni dla susiednich krain u pryvatnaści».
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary