Zubkova ekstradavali siońnia ranicaj. Rašeńnie pryniataje, niahledziačy na zabaronu Jeŭrapiejskaha suda pa pravach čałavieka (JESPČ), piša «Miedyjazona».
U Biełarusi Zubkova abvinavačvajuć u hvałcie albo pahrozie hvałtu supracoŭniku orhanaŭ unutranych spraŭ (artykuł 364 KK).
U vieraśni 2020 hoda jon udzielničaŭ u maršy pratestu ŭ Homieli, dzie jaho zatrymali supracoŭniki AMAP. Zubkova aryštavali na 15 sutak, a paśla vyzvaleńnia jon pajechaŭ na pracu ŭ Maskvu.
U žniŭni 2021 hoda prajšli pieratrusy ŭ jaho žonki i maci. Śledčaja pakazała žoncy Zubkova fatahrafii, zroblenyja padčas adnaho z maršaŭ, i zajaviła, što jon padyšoŭ da supracoŭnika AMAP «bližej, čym naležyć». A ŭ kastryčniku 2021-ha Zubkova zatrymali ŭ Maskvie.
Infarmacyju ab ekstradycyi Zubkova paćvierdziła jaho advakat Roza Mahamiedava:
«Tak, siońnia a 10-j hadzinie jaho advieźli na samalot i pieradali ŭ Biełaruś», — skazała abaronca.
«Hienprakuratura RF zadavoliła patrabavańnie biełaruskich uładaŭ ab ekstradycyi Zubkova. My abskardzili hetaje rašeńnie. 3 maja nam udałosia damahčysia zabiaśpiečvalnych mieraŭ u ramkach praviła 39 rehłamientu JESPČ. Inšymi słovami, Jeŭrapiejski sud zabaraniŭ ekstradycyju Michaiła ŭ Biełaruś», — raskazali ŭ kamitecie «Hramadzianskaje sadziejańnie», rasijskaj pravaabarončaj arhanizacyi. Ale da vierdyktaŭ mižnarodnych sudoŭ Rasija, jak i Biełaruś, nie prysłuchoŭvajecca.
Ciapier čytajuć
Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska3
Kamientary