Zaviažycie ŭ sadzie žoŭtuju stužku. Heta dapamoža vam pazbavicca ad surjoznaj prablemy
U niekatorych sadach moža pabačyć na drevach jarkija žoŭtyja stužki. Moža zdavacca, što ich zaviazali dla pryhažości, ale nasamreč heta pravierany mietad baraćby z raspaŭsiudžanymi škodnikami raślin.
Tla atakuje raśliny ŭ vašym sadzie? Jość prosty, tanny i ekałahičny sposab ź joj spravicca! Vam nie patrebnyja dla hetaha darahija chimičnyja rečyvy, chopić adnoj žoŭtaj stužki, piša onet.pl.
Z tloj treba zmahacca chutka, bo hetyja maleńkija nasiakomyja charčujucca bahatymi na karysnyja rečyvy vadkaściami z raślin. Tla — nie nadta pieraborlivaja, tamu jaje moža sustreć jak na pładovych drevach, tak i na dekaratyŭnych kvietkach i kulturnych raślinach u sadzie.
Zvyčajna, kali ŭ sadzie jość tla, jaje tam vielmi šmat, i ŭ vyniku jana moža značna paškodzić raśliny i ich kvietki. Bolš za toje, hetyja parazity vielmi chutka razmnažajucca i ŭtvarajuć cełyja kałonii. Tamu, jak tolki vy znojdziecie ŭ sadzie tlu, treba budzie ŭmiašacca.
Na dapamohu vam pryjdzie žoŭtaja stužka ci luby inšy kavałak žoŭtaj tkaniny. Jana budzie efiektyŭnaj nie tolki tady, kali vy ŭžo znajšli tlu ŭ sadzie, ale i ŭ jakaści prafiłaktyki. Prosta pavieście na raśliny žoŭtuju stužku abo kavałak žoŭtaj tkaniny, i hetym vy pryvabicie ŭ svoj sad vielmi karysnych božych karovak.
Nie ŭsie viedajuć, ale ž hetyja nasiakomyja — našy lepšyja sajuźniki ŭ baraćbie z škodnikami raślin. Adna ličynka božaj karoŭki moža źjeści da niekalkich socień štuk tli na praciahu 3-4 tydniaŭ, a darosłaja božaja karoŭka dapamoža pazbavicca ad niekalkich dziasiatkaŭ parazitaŭ u dzień. Pryčym božyja karoŭki zmahajucca nie tolki z tloj, ale i z muraškami, ličynkami žukoŭ i maładych vusieniaŭ.
Pakładzicie krejdu ŭ chaładzilnik i pabačycie, što zdarycca. Vy nie paškadujecie
Ciapier čytajuć
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA17
Kamientary