Dla dušeŭnaha i fizičnaha zdaroŭja, spryjalnaha maralnaha klimatu ŭ siamji i dobraha snu sužencam treba spać asobna ci na vielmi šyrokim łožku, ličać brytanskija navukoŭcy.
Dla dušeŭnaha i fizičnaha zdaroŭja, spryjalnaha maralnaha klimatu ŭ siamji i dobraha snu sužencam treba spać asobna ci na vielmi šyrokim łožku, ličać brytanskija navukoŭcy.
Pytańnie šlubu kožny vyrašaje sam dla siabie, ale pieravažnaja bolšaść ludziej raniej ci paźniej znachodzić sabie spadarožnika žyćcia, ź jakim pačynaje žyć razam. Pary, jakija tolki pačynajuć sumiesnaje sužyćcio na adnoj terytoryi, chutka sutykajucca z takim pytańniem, jak stały sumiesny son, kali, kaniečnie, nie brać u raźlik situacyi karaloŭ i haspadaroŭ siaredniaviečnych zamkaŭ, dzie ŭvieś ahromnisty dom padzialaŭsia na mužčynskuju i žanočuju pałovy, a muž i žonka sustrakalisia pa vialikich śviatach. Ułasna, bolšaja častka sužencaŭ znachodzić kudy bolš pieravah, čym niedachopaŭ u sumiesnym śnie i zusim nie pierajmajucca z hetaj nahody. Adnak apošnija navukovyja daśledavańni dajuć hetym ludziam nahodu surjozna pierahledzieć svaje pohlady.
Vyśvietliłasia, što ahulny łožak viadzie da pamianšeńnia jakaści snu, bo ludzi rehularna budziać adzin adnaho ciaham nočy.
Siamiejnyja pary, jakija śpiać razam, na 50% čaściej adčuvajuć i vonkavaje parušeńnie snu, čym ludzi, jakija śpiać asobna. Heta vyklikaje napružańnie ŭ siamiejnych adnosinach, a taksama prablemy sa zdaroŭjem, spravakavanyja niedachopam snu, takija, jak chvaroby serca i depresii.
Mnohija sužency pryznajuć, što ŭvieśčasnaje adčuvańnie chrapu, zuboŭnaha skryhatu i miatańnia pa łožku partniora – adčuvańni małapryjemnyja i niezajzdrosnyja, adnak jany praciahvajuć spać razam, bo ŭ sacyjalna-kulturnym sensie hetamu nadajecca vielmi vialikaja značnaść.
Adnak navukoŭcy, što sabralisia na Brytanskim fiestyvali navuki na śpiecyjalny sieminar pa snu, ličać, što nie treba tryvać i čakać prablem z zdaroŭjem albo razvodu, a spakojna pahutaryć z sužencam i pierajści da raździelnaha snu.
Doktar Nił Stenli, ekśpiert snu z univiersiteckaha špitalu Norfałku, ličyć, što narmalny dvuchmiesny łožak pavinien być u šyryniu nie mienš čym paŭtara mietra.
Doktar Stenli, jaki zajaviŭ, što śpić u roznych łožkach z svajoj žonkaj, adznačyŭ, što kancepcyja suženskaha łožka jak miesca intymnaha tet-a-tetu źjaviłasia ŭ Brytanii ŭ viktaryjanskija časy. Adnak intymnaść dobraja tolki dla emacyjnaha zdaroŭja. Fizičnamu i maralnamu zdaroŭju sumiesny son anijak dapamahčy nie moža.
Tamu doktar ličyć, što son pa svajoj pryrodzie źjava ehaistyčnaja, tamu dzialić łožak nielha ni z kim.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary