Łaŭroŭ: Maskva ŭ 2020 hodzie była hatovaja akazać Łukašenku nie tolki palityčnuju padtrymku
Ministr zamiežnych spraŭ Rasii Siarhiej Łaŭroŭ u intervju telekanału «Biełaruś 1» nazvaŭ pratesty 2020 hoda ŭ Biełarusi «niepryjemnym epizodam», inśpiravanym Zachadam. I paćvierdziŭ, što kali b rasijskaj palityčnaj i maralnaj padtrymki tady nie chapiła, to Rasija akazała b Łukašenku i lubuju inšuju.
«Toj niepryjemny epizod vyrazna pakazaŭ, što my — sapraŭdnyja sajuźniki. U rasijskaha kiraŭnictva, aficyjnych asob nie było nijakich sumnievaŭ u tym, što my pavinny dapamahčy našamu brackamu biełaruskamu sajuźnickamu narodu i dziaržavie.
Darečy, jak nie było sumnievaŭ u ADKB u studzieni hetaha hoda, kali ŭ Kazachstanie niešta padobnaje, ale ŭ inšych formach i maštabach było zroblena», — zajaviŭ Łaŭroŭ.
Pa słovach pucinskaha ministra, u 2020 hodzie «Rasija nieadkładna akazała palityčnuju i maralnuju padtrymku i była hatovaja akazać lubuju inšuju padtrymku dla niedapuščeńnia dziaržaŭnaha pieravarotu».
U kancy žniŭnia 2020 hoda Uładzimir Pucin sapraŭdy zajaŭlaŭ, što na prośbu Alaksandra Łukašenki sfarmavaŭ rezierv ź siłavikoŭ dla dapamohi biełaruskim uładam.
Kamientary