Лаўроў: Масква ў 2020 годзе была гатовая аказаць Лукашэнку не толькі палітычную падтрымку
Міністр замежных спраў Расіі Сяргей Лаўроў у інтэрв'ю тэлеканалу «Беларусь 1» назваў пратэсты 2020 года ў Беларусі «непрыемным эпізодам», інспіраваным Захадам. І пацвердзіў, што калі б расійскай палітычнай і маральнай падтрымкі тады не хапіла, то Расія аказала б Лукашэнку і любую іншую.
«Той непрыемны эпізод выразна паказаў, што мы — сапраўдныя саюзнікі. У расійскага кіраўніцтва, афіцыйных асоб не было ніякіх сумневаў у тым, што мы павінны дапамагчы нашаму брацкаму беларускаму саюзніцкаму народу і дзяржаве.
Дарэчы, як не было сумневаў у АДКБ у студзені гэтага года, калі ў Казахстане нешта падобнае, але ў іншых формах і маштабах было зроблена», — заявіў Лаўроў.
Па словах пуцінскага міністра, у 2020 годзе «Расія неадкладна аказала палітычную і маральную падтрымку і была гатовая аказаць любую іншую падтрымку для недапушчэння дзяржаўнага перавароту».
У канцы жніўня 2020 года Уладзімір Пуцін сапраўды заяўляў, што на просьбу Аляксандра Лукашэнкі сфармаваў рэзерв з сілавікоў для дапамогі беларускім уладам.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары