Usie achvočyja zaprašajucca na pieršuju ŭ historyi interaktyŭnuju rekanstrukcyju padziej vieraśnia 1939 hoda.
U čaćvier 17 vieraśnia ŭ Hrodnie adbudziecca pieršaja u historyi interaktyŭnaja rekanstrukcyja padziej vieraśnia 1939 hoda «Na krok ad zaŭtra».
Uziać udzieł zmoža ŭziać kožny prysutny. Taksama čakajecca prezientacyja ŭnikalnych fota z historyi mižvajennaj Harodni, muzyčna-vieršavanaje pradstaŭleńnie «Saha pra Harodniu» pa matyvach haradzienskaj liryki pieršaj pałovy XX st.
Adbudziecca i pieršy ŭ historyi Hrodna publičny biełaruska-polski «kruhły stoł», udzieł u jakim voźmuć biełaruskija i polskija historyki i publicysty. Asnoŭnyja pytańni, jakija buduć vyniesienyja na abmierkavańnie:
Jakoje miesca zaniali vieraśnioŭskija padziei 1939 hoda ŭ biełaruskaj historyi?
Jakoje značeńnie mieli hetyja padziei dla historyi Druhoj Suśvietnaj vajny?
Ci možna razhladać padziei 17 vieraśnia ŭ adryvie ad savieckich represij 30-50-ch hadoŭ?
My kažam vyzvaleńnie ci akupacyja Biełarusi, razvažajučy nad nastupstvami vieraśnia 1939 hoda dla histaryčnaha losu biełaruskaha narodu?
Ci moža biełaruskaja acenka hetych padziejaŭ adroźnivacca ad polskaha pohladu na 1939 hod?
Svaje daśledavańni i pohlad na padziei 70-i hadovaj daŭniny ŭ Biełarusi pradstaviać, miž inšych, Aleś Smalančuk «Kamunistyčnyja represii ŭ Zachodniaj Biełarusi. Vierasień 1939-červień 1941 hh»; Andrej Vaškievič i Andrej Čarniakievič «Harodnia i haradziency ŭ vieraśnioŭskich padziejach 1939 hoda»; Dźmitry Lucik «Vajskovaja apieracyja Čyrvonaj Armii. 17-25 vieraśnia 1939 hoda»; Andrej Pačobut «Abarona Harodni ŭ vieraśni 1939 hoda»; Anton Astapovič «Ušanavańnie pamiaci achviar savieckich represij», dy inš.
Zaprašajucca usie achvotnyja.
Čaćvier, 17 vieraśnia, Hrodna, 18.30 pa adrasie: vuł. Budzionaha 48a, pamiaškańnie TAA «Pałonika» (zała ŭ dvoryku budynka).
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»6
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary