Ukrainskija vojski pakinuli Lisičansk, apošni horad Łuhanskaj vobłaści
Infarmacyja pra zachop Lisičanska, a taksama videa z horada źjavilisia ŭ rasiejskich ŚMI. «Chłuśniu ab akružeńni horada raspaŭsiudžvaje RF, kab prymusić ukraincaŭ niervavacca, a rasiejcaŭ — radavacca», — kamientuje daradca ministra ŭnutranych spraŭ Ukrainy Vadzim Dzienisienka.
Raniej kiraŭnik Čačni Ramzan Kadyraŭ u siabie ŭ telehram-kanale paviedamiŭ ab akružeńni Lisičanska siłami čačenskich padraździaleńniaŭ i vojskaŭ samaabvieščanych respublik. Paźniej jon taksama napisaŭ pra toje, što vajskoŭcy znachodziacca ŭ samim horadzie.
Paśla prarasiejskija ŚMI i telehram-kanały publikavali videa, na jakim nibyta bajcy samaabvieščanaj ŁNR ustaloŭvajuć čyrvony ściah na adnym ź miemaryjałaŭ u Lisičansku. TASS paviedamlaŭ sa spasyłkaj na pamočnika kiraŭnika MUS samaabvieščanaj ŁNR Vitala Kisialova, što jaho siły znachodziacca pablizu centra Lisičanska, kala stadyjona «Šachcior».
Ukrainskija krynicy jašče dniom u subotu 2 lipienia paviedamlali, što horad pa-raniejšamu znachodzicca pad kantrolem USU. Pradstaŭnik Nacyjanalnaj hvardyi Ukrainy Rusłan Muzyčuk pierakonvaŭ: «Kala Lisičanska iduć žorstkija bai, ale horad pad kantrolem USU».
Lisičansk — apošni bujny horad u Łuhanskaj vobłaści, jaki zastajecca pad kantrolem ukrainskaj armii. Napiaredadni kiraŭnik Łuhanskaj abłasnoj administracyi Siarhiej Hajdaj u svaim tielehram-kanale raspaviadaŭ, što rasiejskija vajskoŭcy «viaduć šturm naftapierapracoŭčaha zavoda, utrymlivajuć paŭnočna-zachodniuju i paŭdniova-ŭschodniuju častki zavoda».
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary