ŚMI: Rasijskaha chakieista Fiadotava adpraviać słužyć na Novuju Ziamlu, kab pasłać «miesiedž» inšym hulcam
Bramnika zbornaj Rasii pa chakiei Ivana Fiadotava adpraviać słužyć u vojska na Novuju Ziamlu paśla zatrymańnia ŭ Pieciarburhu, paviedamlaje TASS sa spasyłkaj na krynicu ŭ siłavych strukturach. Fiadotaŭ padpisaŭ kantrakt z «Fiładelfijaj Fłajierz» paśla hoda vystupaŭ za CSKA. Rasijskija dziaržahienctvy pišuć, što heta znak dla inšych chakieistaŭ.
Pavodle źviestak TASS, ciapier Fiadotava pryvieźli ŭ Sievieramorsk Murmanskaj vobłaści, miescam słužby budzie adna z vajskovych častak na Novaj Ziamli ŭ Paŭnočnym Ledavitym akijanie.
Advakat Fiadotava Alaksiej Panamaroŭ infarmacyju pra toje, što bramnika mohuć adpravić na Novuju Ziamlu, nazvaŭ «zdahadkami». Jon adznačaŭ, što sam chakieist na suviaź nie vychodzić.
Padčas słužby ŭ armii Fiadotaŭ, mahčyma, zmoža praciahnuć hulać u chakiej. Jak piša «Fontanka», na Paŭnočnym fłocie z 2013 hoda jość svaja chakiejnaja liha, u jakoj vystupajuć 14 kamand.
Krynica «RIA Novosti» zajaviła, što armija moža pahražać i inšym byłym chakieistam CSKA, jakija vyrašyli pierajechać u NCHŁ.
Aficyjna pradstaŭniki Fiederacyi chakieja Rasii zatrymańnie byłoha bramnika CSKA nie kamientavali, kiraŭnik FCHR Uładzisłaŭ Traćciak admoviŭsia adkazvać na pytańnie pra Fiadotava.
Spartyŭny kamientatar Dźmitryj Hubiernijeŭ napisaŭ, što toje, što adbyłosia, moža spravakavać adjezd maładych chakieistaŭ z Rasii.
Słužba ŭ vojsku nie ŭpieršyniu za apošnija hady vykarystoŭvajecca «ŭ vychavaŭčych metach».
U kancy 2019 hoda siłaviki nočču zatrymali supracoŭnika Fondu baraćby z karupcyjaj Rusłana Šaviedździnava i pavieźli śpiecrejsam na Novuju Ziamlu. Šaviedździnaŭ pravioŭ tam hod. Jon raspaviadaŭ, što prachodziŭ słužbu na radyjotechničnym poście ŭ formie bočki, da jakoha dabracca možna tolki na viertalocie.
U ZŠA ž ciapier vystupajuć 57 rasijskich chakieistaŭ.
Kamientary