Ministerstva zamiežnych spraŭ Biełarusi paćvierdziła hibiel hramadzianina Biełarusi ŭ Krakavie. Cieła 29-hadovaha biełarusa znajšli ŭ noč na 22 lipienia ŭ centry horada. Imavierna, jaho źbili da śmierci.
«Tak, my možam paćvierdzić hetuju infarmacyju. Naša pasolstva ŭ Polščy zajmajecca situacyjaj, znachodzicca ŭ kantakcie z polskimi kampietentnymi orhanami. Ad polskaj palicyi ŭ pracoŭnym paradku ŭžo atrymanaje paćviardžeńnie ab tym, što zdaryłasia.
Zrazumieła, pasolstva hatovaje ŭ ramkach svajoj kampietencyi akazvać siamji zahinułaha ŭsiu nieabchodnuju konsulska-pravavuju dapamohu», — zajaviŭ pres-sakratar MZS Anatol Hłaz.
Polskaja palicyja zatrymała 59-hadovaha žychara Krakava pa fakcie hibieli biełarusa. Pa kadrach videanazirańnia bačna, što mienavita jon moža mieć niepasrednaje dačynieńnie da trahičnaj padziei. Na zapisie bačna, jak hrupa mužčyn staić na skryžavańni vulic Śviatoha Jana i śviatoha Tamaša ŭ centry Krakava. Siarod ich 59-hadovy žychar Krakava i 29-hadovy biełarus. Na zapisie možna ŭbačyć, jak mužčyna bje pa tvary biełarusa, jaki zatym padaje. Pakul nieviadoma, što stała pryčynaj kanfliktu.
Mužčynu zatrymali ŭžo za miežami Krakava, kali jon uvachodziŭ u adnu z kram. «My nie vyklučajem, što mužčyna ŭžo sprabavaŭ źjechać», — zajaŭlajuć miascovyja ŭłady.
Čytajcie taksama:
U Krakavie zabili 29-hadovaha biełarusa
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju1
Kamientary