Aryštavany bieśpiłotny elektraaŭtobus pradajuć na biełaruskim aŭkcyjonie
Na sajcie placoŭki pa prodažy majomaści «Bielurazabieśpiačeńnie» źjaviłasia abjava ab realizacyi bieśpiłotnaha elektryčnaha aŭtamabila, vypuščanaha ŭsiaho dva hady tamu — u 2020-m, paviedamlaje av.by.
![](http://nashaniva.com/img/w840d4webp1/photos/z_2022_08/9080-2zdjx.jpeg.webp)
Madel NJL6450ICEV maje ruchavik mahutnaściu 30kVt. Znachodzicca niezvyčajnaja mašyna pa adrasie Smalavicki rajon, praśpiekt Piekinski, 18 (heta terytoryja Kitajska-biełaruskaha industryjalnaha parka «Vialiki kamień»). Na samim łocie visić paznaka «aryštavana», taksama paznačana, što daŭžnikom źjaŭlajecca tavarystva z abmiežavanaj adkaznaściu.
![](http://nashaniva.com/img/w732d4webp1/photos/z_2022_08/9081-vsdmd.jpeg.webp)
Startavy košt elektramabila — 95900 rubloŭ (kala $37 tys.), zadatak składaje 9590 rubloŭ. Pryjom zajavak na ŭdzieł u tarhach zakančvajecca 17 žniŭnia ŭ 16:00, sam aŭkcyjon projdzie 18 žniŭnia z 9:00 da 18:00.
![](http://nashaniva.com/img/w732d4webp1/photos/z_2022_08/9082-qj00u.jpeg.webp)
Kamientary