Prapahandysty aburylisia vykanańniem pieśni «Akijana Elzy» na Zybickaj. Ciapier śpiavačka nie vychodzić na suviaź
U siecivie źjaviłasia videa vuličnaha kancerta na Zybickaj kala bara «Słoiki-butelki» 3 žniŭnia. Pry vialikaj padtrymcy publiki śpiavačka Meryjem Hierasimienka vykanała pieśniu ŭkrainskaha hurta «Akijan Elzy» «Obijmi». Na śpiavačku abrynulisia prapahandysty. Ciapier suviazi ź dziaŭčynaj niama. Što ź joju, nieviadoma.
Na nastupny paśla kancerta dzień u adnym z praŭładnych telehram-kanałaŭ zjaviŭsia post: «Padkažycie chto-niebudź, a minskija ŭłady ŭvohule ŭ kursie, što ŭ ich u centry horada robicca? Napiaredadni na Zybie adbyŭsia bčbšnyj šabaš». Aŭtary padkreślivajuć, što dziaŭčyna vystupała ŭ biełaj futbołcy z čyrvonym sercam na hrudziach.
«Publika była vielmi zadavolenaja takim śviatam niepasłušenstva», — napisali prapahandysty.
Jany zaznačyli, što prahledzieli sacyjalnyja sietki Meryjem i apublikavali skrynšoty pastoŭ, dzie jana vykazvaje padtrymku pratestam i asudžaje dziejańni ŭładaŭ. «Voś heta spakojna vystupaje ŭ centry Minska, u 2022 hodzie, napiaredadni «hadaviny mieciažu», — nakručvali jany.
«Moža chopić užo siusiukacca? — adhuknuŭsia druhi kanał. — Stvaryć mabilny atrad z adpaviednymi paŭnamoctvami, nakleić im na šaŭrony łahatyp kafe Oʼpetit, razdać humovyja pałki i chaj niasuć u pryvatny biźnies razumnaje dobraje i viečnaje. Surjozna, treba ŭžo niešta rabić, kab navat idej u takich zmaharoŭ nie ŭźnikała. A to niejak pamiać u ich mocna karotkaja apynułasia».
Skazaŭ svajo słova i Azaronak.
«Užo zła nie chapaje. Kolki heta moža praciahvacca? Kolki treba hadoŭ? Dva hady nie chapiła? 7? 10? 50? Niaŭžo niama kamu pahladzieć, što robicca ŭ VNU, u barach, u teatrach, u restaranach? I ŭžo adkryta na vulicy». Jon znoŭ zaźbiraŭsia «z paplečnikami» ŭ rejd pa Zybickaj.
Ciapier, pavodle «Zierkała», Meryjem nie vychodzić na suviaź. Pavodle niepaćvierdžanaj infarmacyi vydańnia, śpiavačka, jak i ŭładalnik bara «Słoiki-butelki», mahli być zatrymanyja.
Meryjem Hierasimienka — minskaja śpiavačka, salistka Meriem Band. Joj 28 hadoŭ. Jana ŭdzielnica šmatlikich šou dla śpievakoŭ, u tym liku rasijskaha «Hołasa», šou «Pieśni» na TNT, ukrainskaha «Hołos krajini».
«Lohkaść, svaboda, tvorčaść — na kožnym kroku». Homielskaja prapahandystka adpačyvaje ŭ krainach, jakija ŭ pracoŭny čas palivaje brudam
Jak «infaśpiecnazaŭka» Bondarava, što niščyć biełaruskaje, padnačaliła čynoŭnikaŭ cełaj vobłaści VIDEA
Apublikavali razmovy žonki Bałaby, u jakich jana sprabuje schavać ad muža troch kachankaŭ, u tym liku Rusłana Alachno20
Kamientary
Svoj topor ja budu tupiť…
Budut sypaťsia dołu šievrony.
Nie zabyť!
Nie prostiť!
Tolko mstiť!