Mastaku Dźmitryju Urubielu było 62 hady. Mienavita jon byŭ aŭtaram adnaho z samych viadomych hrafici ŭ śviecie, jakoje nazyvajecca «Hospadzie! Dapamažy mnie vyžyć siarod hetaha śmiarotnaha kachańnia». Hrafici naniesiena na kavałku Bierlinskaj ściany.
Dźmitryj Urubiel, jaki jašče z pačatku 1990-ch žyŭ u Bierlinie, u kancy červienia zachvareŭ na karanavirus, byŭ špitalizavany. Z chvarobaj jahony arhanizm nie spraŭlaŭsia, u serca jamu pastavili aparat dapamožnaha krovazvarotu, ŭviali ŭ štučnuju komu. Ale ničoha nie dapamahło.
Urubiel viadomy nie tolki jak aŭtar znakamitaha hrafici. U apošnija hady jon šmat zajmaŭsia virtualnymi vystavami i mietasuśvietami, płanavaŭ stvaryć «Muziej padziei».
Pa jahonych słovach, muziej pavinien byŭ stać častkaj «mastactva chutkaha reahavańnia», kali tvoram źjaŭlajecca miemaryjalny muziej, pryśviečany jakoj-niebudź važnaj aktualnaj navinnaj padziei, jaje dziejnym asobam, detalam i padrabiaznaściam, chranałohii, roznym interpretacyjam (u roznych załach) i histaryčnym paralelam. Taksama ŭ takim muziei musiła być praduhledžana mahčymaść lekcyj, ekskursij, a taksama abnaŭleńnia i dapaŭnieńni ekspazicyi z uklučeńniem kamientaryjaŭ udzielnikaŭ padziej i mahčymaściu žyvych videarepartažaŭ u sacsietkach.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary