Мастаку Дзмітрыю Урубелю было 62 гады. Менавіта ён быў аўтарам аднаго з самых вядомых графіці ў свеце, якое называецца «Госпадзе! Дапамажы мне выжыць сярод гэтага смяротнага кахання». Графіці нанесена на кавалку Берлінскай сцяны.
Дзмітрый Урубель, які яшчэ з пачатку 1990-х жыў у Берліне, у канцы чэрвеня захварэў на каранавірус, быў шпіталізаваны. З хваробай ягоны арганізм не спраўляўся, у сэрца яму паставілі апарат дапаможнага кровазвароту, ўвялі ў штучную кому. Але нічога не дапамагло.
Урубель вядомы не толькі як аўтар знакамітага графіці. У апошнія гады ён шмат займаўся віртуальнымі выставамі і метасусветамі, планаваў стварыць «Музей падзеі».
Па ягоных словах, музей павінен быў стаць часткай «мастацтва хуткага рэагавання», калі творам з'яўляецца мемарыяльны музей, прысвечаны якой-небудзь важнай актуальнай навіннай падзеі, яе дзейным асобам, дэталям і падрабязнасцям, храналогіі, розным інтэрпрэтацыям (у розных залах) і гістарычным паралелям. Таксама ў такім музеі мусіла быць прадугледжана магчымасць лекцый, экскурсій, а таксама абнаўлення і дапаўненні экспазіцыі з уключэннем каментарыяў удзельнікаў падзей і магчымасцю жывых відэарэпартажаў у сацсетках.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам2
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары