Čerhi ź lehkavikoŭ na miažy bjuć rekordy. Kolki času zajmaje prajezd?
Vielizarnyja čerhi z hruzavikoŭ na miežach ES i Biełarusi źnikli pryblizna miesiac tamu, a voś čerhi ź lehkavikoŭ praciahvajuć raści. U pikavyja hadziny na vyjezd ź Biełarusi čakajuć pa niekalki sotniaŭ lehkavych aŭto.
Polšča
Najbolš napružanaj situacyja vyhladaje ŭ punkcie propusku «Bierastavica-Babroŭniki», tam 16 žniŭnia pastavili rekord.
Pa stanie na 14 hadzin dnia i na 20 hadzin viečara ŭ čarzie na vyjezd z krainy stajała bolš za 500 aŭto.
Ludzi, jakija časta jeździać praź miažu, aceńvajuć, što ŭ takoj čarzie daviadziecca pravieści bolš za sutki. Pa ich słovach, navat kali na hranicy źbirajecca pa 200-300 lehkavikoŭ, pierasiačeńnie zajmaje ad 20 hadzin.
Dla daviedki: prapusknaja zdolnaść PP «Bierastavica-Babroŭniki» składaje 500 lehkavikoŭ u sutki, ale Dziaržpahrankamitet rehularna padaje źviestki pra toje, što polski bok nie vykonvaje svaje abaviazki.
Aproč «Bierastavicy», dastatkova napružanaj situcyja vyhladaje ŭ punkcie propusku «Brest-Ciarespal». Tam ciaham minułych sutak u čarzie na vyjezd stajali kala 200 lehkavikoŭ. U admysłovych čatach padarožniki dzialacca infarmacyjaj, što pierasiačeńnie miažy ŭ adzin bok praz hety punkt u asobnych vypadkach zajmała bolš za 30 hadzin.
Litva
Na litoŭskim kirunku najbolšyja čerhi źbirajucca ŭ punktach propusku «Kamieny łoh» i «Pryvałka».
Učora ŭ pikavyja hadziny ŭ «Kamienym łozie» naličvałasia bolš za 120 lehkavikoŭ, a ŭ «Pryvałcy» — bolš za 100.
Łatvija
Na łatvijskim kirunku čerhi ź lehkavikoŭ, jak praviła, adsutničajuć.
Čytajcie taksama:
Za vyjezd za miažu daviadziecca płacić bolš, a zabraniravać miesca ŭ čarzie stanie niemahčyma. Mianiajucca praviły pierasiačeńnia miažy na aŭto
Na biełaruskich miežach amal źnikli čerhi z hruzavikoŭ. Čamu tak adbyvajecca?
Vylecieła ŭ nieviadomym kirunku śpikierka KR Anžalika Mielnikava30
Kamientary
Kak to był v Łatvii let 5- 6 nazad…žiepa.. takoj jes nam nie nužon