Praź pieraŭvilhatnieńnie sioleta ŭ krainie nie ŭradziła bulba. Miescami niemetazhodna navat kapać jaje.
Praź pieraŭvilhatnieńnie sioleta ŭ krainie nie ŭradziła bulba. Miescami niemetazhodna navat kapać jaje.
Druhi chleb hublaje pazicyi
Sioleta masavaja ŭborka bulby doŭžycca try tydni, a aptymizmu tym, chto pracuje ŭ sielskahaspadarčaj halinie, brakuje. Letaś pakaźnik siaredniaj uradžajnaści pieraskočyŭ za adznaku ŭ 200 centnieraŭ z hiektara. Ciapier pra rekordy havorki nie idzie. Chiba što pra rekordnyja ceny.
Ciapier kiłahram bulby kaštuje bolš za 1000 rubloŭ.
Bulba płavała ŭ vadzie
Namieśnik hienieralnaha dyrektara Navukova‑praktyčnaha centra pa bulbavodstvie i płodaaharodnictvie Akademii navuk Ivan Kaladka tłumačyć, što ŭ nieŭradžai pieradusim vinavatyja daždžy. Lipień bulba litaralna płavała ŭ vadzie. Kolkaść apadkaŭ pieravyšała dvuch‑, trochmiesiačnyja normy. Jak vynik, raźvilisia infiekcyi.
Paratunak nie dla ŭsich
Kałhasnuju bulbu apracoŭvali chimijaj i trochi padlačyli. Ale vyroščvajuć bulbu pieradusim pryvatniki.
U sielhaskambinatach jana zajmaje 60 tysiač hiektaraŭ. U sialan u dziesiać razoŭ bolš — 600 tysiač! I bolšaści ź ich jakasnaja chimapracoŭka niedastupnaja. Pa słovach Ivana Kaladki, tam, dzie apracoŭka była praviedziena nie całkam, straty ŭradžaju mohuć dasiahać 50%.Zamknionaje koła — kab ratavać bulbu, sialanam treba karystacca darahimi preparatami. Kali ich kuplać, sabiekošt adrazu ŭźlataje. Kupić na kirmašy tady vychodzić tańniej, čym vyroščvać samomu.
Žycharka Zelvienskaha rajona Tamara Burak kaža: «Čym takuju bulbu kapać, chaj hnije! Niavartaja praca. Z kožnaj sotki vychodzić usiaho pa dva miachi. Bulba drobnaja, tolki adna maroka ź joj».
Bulbiany ekanamičny cud
Bulba ŭ biełaruskich realijach mieła palityčnaje značeńnie. Dziakujučy joj, u lipieni Biełstat radasna adrapartavaŭsia — u krainie niama inflacyi! Pa aficyjnych padlikach, deflacyja za miesiac skłała 0,2%. Ceny na tavary nie pamienšali, ale bulba, sadavina i harodnina, patańnieŭšy, dali pryjemny efiekt. Ciapier stanoŭčaha ŭpłyvu na ekanomiku nie dačakacca. A kali bulby ŭ nastupnym hodzie budzie mała, skarocicca i ekspart.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary