Праз пераўвільгатненне сёлета ў краіне не ўрадзіла бульба. Месцамі немэтазгодна нават капаць яе.
Праз пераўвільгатненне сёлета ў краіне не ўрадзіла бульба. Месцамі немэтазгодна нават капаць яе.
Другі хлеб губляе пазіцыі
Сёлета масавая ўборка бульбы доўжыцца тры тыдні, а аптымізму тым, хто працуе ў сельскагаспадарчай галіне, бракуе. Летась паказнік сярэдняй ураджайнасці пераскочыў за адзнаку ў 200 цэнтнераў з гектара. Цяпер пра рэкорды гаворкі не ідзе. Хіба што пра рэкордныя цэны.
Цяпер кілаграм бульбы каштуе больш за 1000 рублёў.
Бульба плавала ў вадзе
Намеснік генеральнага дырэктара Навукова‑практычнага цэнтра па бульбаводстве і плодаагародніцтве Акадэміі навук Іван Калядка тлумачыць, што ў неўраджаі перадусім вінаватыя дажджы. Ліпень бульба літаральна плавала ў вадзе. Колькасць ападкаў перавышала двух‑, трохмесячныя нормы. Як вынік, развіліся інфекцыі.
Паратунак не для ўсіх
Калгасную бульбу апрацоўвалі хіміяй і трохі падлячылі. Але вырошчваюць бульбу перадусім прыватнікі.
У сельгаскамбінатах яна займае 60 тысяч гектараў. У сялян у дзесяць разоў больш — 600 тысяч! І большасці з іх якасная хімапрацоўка недаступная. Па словах Івана Калядкі, там, дзе апрацоўка была праведзена не цалкам, страты ўраджаю могуць дасягаць 50%.Замкнёнае кола — каб ратаваць бульбу, сялянам трэба карыстацца дарагімі прэпаратамі. Калі іх купляць, сабекошт адразу ўзлятае. Купіць на кірмашы тады выходзіць танней, чым вырошчваць самому.
Жыхарка Зэльвенскага раёна Тамара Бурак кажа: «Чым такую бульбу капаць, хай гніе! Нявартая праца. З кожнай соткі выходзіць усяго па два мяхі. Бульба дробная, толькі адна марока з ёй».
Бульбяны эканамічны цуд
Бульба ў беларускіх рэаліях мела палітычнае значэнне. Дзякуючы ёй, у ліпені Белстат радасна адрапартаваўся — у краіне няма інфляцыі! Па афіцыйных падліках, дэфляцыя за месяц склала 0,2%. Цэны на тавары не паменшалі, але бульба, садавіна і гародніна, патаннеўшы, далі прыемны эфект. Цяпер станоўчага ўплыву на эканоміку не дачакацца. А калі бульбы ў наступным годзе будзе мала, скароціцца і экспарт.
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў26
Каментары