Ministr adukacyi paabiacaŭ, što praz try hady zarobki nastaŭnikaŭ buduć vyšejšyja za siarednija pa krainie
Da 2025 hoda zarobki piedahohaŭ buduć składać 106% ad siaredniaj pa krainie. Takija płany ahučyŭ ministr adukacyi Andrej Ivaniec u efiry dziaržtelekanała «Biełaruś 1».
Pa vyniku pieršaha paŭhodździa siaredniaja zarabotnaja płata nastaŭnikaŭ u Biełarusi da siaredniaj respublikanskaj skłała 89%. Adnak Andrej Ivaniec padkreśliŭ, što bačnaja stanoŭčaja dynamika i jość nadzieja, što pakazčyki buduć vykananyja.
— Z 1 vieraśnia ŭstanoŭlena pavyšeńnie zarabotnaj płaty našym vychavalnikam va ŭstanovach daškolnaj adukacyi, pamočnikam vychavalnikaŭ. Heta vielmi važna, tamu što adukacyja pačynajecca ź dziciačaha sadka. Z 1 studzienia 2022 hoda ŭviedziena nadbaŭka za kłasnaje kiraŭnictva ŭ pamiery adnoj bazavaj vieličyni. Heta dosyć adčuvalnaja dabaŭka da zarpłaty, ale całkam spraviadlivaja, tamu što kłasny kiraŭnik maje vielmi surjoznyja dadatkovyja funkcyi, — skazaŭ Andrej Ivaniec.
Taksama ministr zajaviŭ, što biełarusam čužyja jeŭrapiejskija kaštoŭnaści.
«Sioleta Ministerstvam adukacyi nie rekamiendavana nijakaha hiendarnaha kursu. Nami raspracavana šeść fakultatyvaŭ dla vučniaŭ roznych kłasaŭ pa siamiejnych kaštoŭnaściach, jakija zasnavanyja na tradycyjnaj kultury, tradycyjnych kaštoŭnaściach biełaruskaha naroda. Bo nie prosta tak my ŭ Kanstytucyi zamacavali ŭžo toje, što šlub — heta sajuz mužčyny i žančyny. U hetaj suviazi ministerstva adukacyi budzie vielmi žorstka kantralavać i kaardynavać rabotu pa siamiejnym vychavańni. Tamu, što nam čužaja jeŭrapiejskaja ideałohija, čužyja jeŭrapiejskija kaštoŭnaści, i my prosta nie majem prava dapuścić taho, kab jany ŭsiakim čynam pratačylisia ŭ rozumy našaj moładzi, — skazaŭ Ivaniec.
Ministr adukacyi ŭpeŭnieny, što pryniatyja jaho viedamstvam miery nie dazvolać «jeŭrapiejskim kaštoŭnaściam» niejkim čynam trapić «i ŭ biełaruskuju sistemu adukacyi, i ŭ hramadstva ŭ cełym».
Televizijščyki pakazali žachlivuju jaŭku na ŭčastku, dzie hałasavaŭ Łukašenka29
Kamientary