31 lipienia pastupiła paviedamleńnie pra bujnuju avaryju na mahistralnym naftapravodzie «Družba» na terytoryi Suražskaha rajonu Branskaj vobłaści na miažy ź Biełaruśsiu.
31 lipienia pastupiła paviedamleńnie pra bujnuju avaryju na mahistralnym naftapravodzie «Družba» na terytoryi Suražskaha rajonu Branskaj vobłaści na miažy ź Biełaruśsiu.
Avaryja adbyłasia jašče 29 lipienia, u dvuch kilametrach ad nasielenaha punktu Krasnaja Słabada Suražskaha rajonu Branskaj vobłaści. Truba naftapravodu tresnuła – adbyłosia paškodžańnie vantuznaj zasaŭki. Heta zdaryłasia tamu, što truba staraja – joj bolš za sorak hadoŭ, i jana paprostu praržavieła. U vyniku avaryi vyciekła 28 kubametraŭ nafty, na hlebie ŭtvaryłasia dźvie naftavyja plamy ahulnaj płoščaj 340 kvadratnych metraŭ. Na miescy avaryi pracavali dźvie avaryjnyja bryhady MN «Družba», a taksama aperatyŭnaja hrupa Hałoŭnaha ŭpraŭleńnia MNS Rasiei pa Branskaj vobłaści. Paškodžanuju trubu abrezali i zamianili jaje novaj, pralituju naftu adpampavali. Ciapier usie raboty pa likvidacyi avaryi zavieršanyja.
Eksperty ministerstva pryrodnych resursaŭ Rasiei zajavili, što nia schilnyja ličyć hetuju avaryju ekalahičnaj katastrofaj. Na ich dumku, avaryja na naftapravodzie moža być rascenienaja jak zdareńnie siaredniaj składanaści, u vyniku jakoha naftaju zabrudžany značny ŭčastak dziaržaŭnaha lasnoha fondu. Raniej ekalahičnyja arhanizacyi zajavili pra mahčymaść ekalahičnaj katastrofy na Branščynie.
Pa Branščynie praciakajuć reki basejnu raki Ipuć, jakaja ŭpadaje ŭ Sož kala Homiela. Paviedamlałasia, što nafta patrapiła i ŭ vodnyja abjekty, adnak paźniej hetaja infarmacyja była abvierhnutaja.
Pavodle BRIANSK.RU, Ministierstvo prirodnych riesursov Rośsijskoj Fiedieracii, Telegraf.by, REGNUM
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary