Novyja sankcyi JeC suprać Rasii mohuć zakranuć IT. Ich mohuć raspaŭsiudzić i na Biełaruś
Novy pakiet sankcyj Jeŭrasajuza suprać Rasii moža zakranuć IT-śfieru. Pry hetym Polšča i krainy Bałtyi prapanujuć pašyryć abmiežavalnyja miery i na Biełaruś.
Pra heta paviedamlaje reform.by sa spasyłkaj na Financial Times.
Ministry zamiežnych spraŭ krain ES na ekstranaj sustrečy ŭ Ńju-Jorku, sklikanaj paśla abviaščeńnia častkovaj mabilizacyi ŭ Rasii i refierendumaŭ na akupavanych terytoryjach Ukrainy, damovilisia ab padrychtoŭcy novaha pakieta sankcyj. Jeŭrakamisija moža pradstavić aficyjnyja prapanovy pa jaho źmieście na nastupnym tydni, a farmalnaje rašeńnie ab uviadzieńni ŭ dziejańnie pakieta moža być pryniataje ŭ siaredzinie kastryčnika. Pieršapačatkova paviedamlałasia, što jon budzie ŭklučać miery pa abmiežavańni koštaŭ na rasijskuju naftu, a taksama pa pašyreńni piersanalnych sankcyj.
Akramia miechanizmu pa abmiežavańni cen na rasijskuju naftu, u pakiet mohuć uvajści miery, nakiravanyja na rasijskuju śfieru infarmacyjnych technałohij, kibierbiaśpieki i prahramnaha zabieśpiačeńnia. Što heta za miery, nieviadoma. Akramia taho, Polšča i krainy Bałtyi taksama prapanujuć adklučyć jašče niekalki bankaŭ ad SWIFT, zabaranić impart ałmazaŭ. Taksama jany vystupajuć za toje, kab sankcyi, uklučajučy abmiežavańni dastupnaści infarmacyjnych i inšych pasłuh u IT-śfiery, byli ŭviedzienyja i suprać Biełarusi.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary